Wes-Indië nasionale krieketspan

in Wikipedia, die vrye ensiklopedie
Spring na: navigasie, soek

Die Wes-Indië nasionale krieketspan is die nasionale krieketspan van Wes-Indië. Die span staan ook bekend as die Wes-Indiese Eilande of, in die omgangstaal, die Windies, en is 'n multi-nasionale krieketspan in 'n sportkonfederasie wat 15 hoofsaaklik Engelssprekende Karibiese lande, Britse afhanklikhede en nie-Britse afhanklikhede verteenwoordig.

Van die middel-1970's tot die vroeë 1990's, was die Wes-Indiese span een van die sterkstes in die wêreld in toets- en internasionale eendagkrieket. 'n Hele aantal spelers, beskou as van die beste in die wêreld, is afkomstig van die Wes-Indiese Eilande: Sir Garfield Sobers, Lance Gibbs, Gordon Greenidge, George Headley, Brian Lara, Clive Lloyd, Malcolm Marshall, Andy Roberts, Alvin Kallicharran, Rohan Kanhai, Sir Frank Worrell, Clyde Walcott, Everton Weekes, Curtly Ambrose, Michael Holding, Courtney Walsh, Joel Garner en Sir Viv Richards is almal ingelyf in die "ICC Hall of Fame" [1].

Die Wes-Indiese Eilande het die IKR Krieket Wêreldbeker tweekeer verower, in 1975 en 1979, die IKR Twintig20-wêreldbeker eenkeer, in 2012, die IKR Kampioenetrofee eenkeer, in 2004, en was naaswenners in die o.19-Wêreldbeker-toernooi in 2004. Hulle was die eerste krieketspan om die Wêreldbeker-toernooi tweekeer te wen, maar hul rekord is later oortref deur vier Wêreldbeker-oorwinnings deur Australië en geëwenaar deur Indië in 2011. Wes-Indië is ook die eerste span om agtereenvolgende Wêreldbeker-toernooie te wen, dit is sederdien oortref deur drie agtereenvolgende Wêreldbeker-oorwinnings deur Australië (1999, 2003 en 2007). Wes-Indië was die eerste span om in drie agtereenvolgende Wêreldbeker-toernooie te verskyn (1975, 1979 en 1983), sederdien oortref deur vier agtereenvolgende Wêreldbeker-toernooi verskynings deur Australië (in 1996, 1999, 2003 en 2007).

Verwysings[wysig]

  1. ICC Hall of Fame”. ICC. URL besoek op 23 September 2009.
Hierdie artikel is in sy geheel of gedeeltelik vanuit die Engelse Wikipedia vertaal.