Western Rifles

in Wikipedia, die vrye ensiklopedie

Die Western Rifles was 'n vrywilligerregiment in die Kaapkolonie, met hoofkwartier op Stellenbosch. Dit het vanaf 1893 tot 1908 bestaan en het aan die Betsjoeanaland-veldtog (1897) deelgeneem. Die huidige Regiment Westelike Provincie kan as sy hedendaagse opvolger beskou word.

Geskiedenis (Chronologie)[wysig | wysig bron]

1880's

  • As gevolg van vrese van 'n oorlog tussen Brittanje en Rusland is verskeie vrywilligereenhede in 1885 in Kaapland en Natal (en elders in die Britse Ryk) gestig - o.a. die Worcester Volunteer Rifles, die Paarl Volunteer Rifles, en die Wellington Volunteer Rifles wat saam met ander klein eenhede by 'n sg 'administratiewe bataljon' ingedeel is.
  • Studente by die Victoria-Kollege op Stellenbosch stig die Victoria College Volunteer Rifles in 1888 - dit word ook by die administratiewe bataljon ingedeel.
  • Die Robertson Volunteer Rifles en die Oudtshoorn Volunter Rifles word in 1890 gestig - hulle is ook deel van die administratiewe bataljon.

1890's

  • Die Malmesbury Volunteer Rifles is in 1892 gestig en ook by die bataljon ingedeel.
  • Die administratiewe bataljon is in 1892 ontbind, en in 1893 word bg sewe eenhede saamgesnoer om 'n nuwe administratiewe eenheid, die Western Rifles, te vorm.
  • Die Malmesbury Volunteer Rifles word in 1896 ontbind.
  • Betsjoeanaland-veldtog (1897) - aktiewe diens in noord-Kaapland.
  • Die Paarl Volunteer Rifles ontbind in 1897.
  • Tweede Vryheidsoorlog (1899-1902) - aangesien die Western Rifles se eenhede in hoofsaaklik Afrikanerdistrikte gesetel is, word hulle nie vir aktiewe diens gemobiliseer nie - die Victoria College Volunteer Rifles ontbind.

1900's

  • Die Worcester Volunteer Rifles, Wellington Volunteer Rifles, en Robertson Volunteer Rifles word in 1901 ontbind.
  • Die Western Rifles word in 1908 ontbind.

Verwysings[wysig | wysig bron]

  • Jaarverslae van die Kaapse Verdedigingsdepartement.