Wikipedia:AdministrateursVRAe
Dié bladsy beantwoord sommige vrae wat verwant hou met Administrateurs op Wikipedia.
Sien ook: Wikipedia:Administrateur.
Wie besluit oor beleid?[wysig bron]
Wikipedia:Policies and guidelines word goed in stand gehou op die Engelse Wikipedia. Dit beskryf hoe Wikipedia by beleidsriglyne uitkom, deur middel van 'n proses van besprekings en konsensusvorming. Gesprekke hier op ons Wikipedia vind veral plaas deur middel van die Geselshoekie. Vir 'n goeie oorsig oor die Afrikaanse Wikipedia-beleidsisteem, gaan na die beleidsbladsy.
Wat is 'n administrateur? Wat is 'n "sysop"?[wysig bron]
Dit is twee woorde vir dieselfde ding. 'n Administrateur is gewoon 'n Wikipediaan wat bemagtig is om die paar sagtewarefunksies op Wikipedia wat beperkte toegang het, te verrig: die skrap van artikels en ander ongewenste opgelaaide lêers; die beskerming van sekere blaaie, of die opskorting van sodanige beskerming; en die blokkering en opheffing van blokkering van Internetprotokoladresse (IP-adresse). Die gemelde sagteware gebruik die letterrygkraal "sysop" op 'n interne wyse om die administrateurs se intekeningsblaaie te identifiseer. (Wat waarskynlik 'n rede kan wees hoekom hulle ook só genoem word). Administrateurs is gewoonlik vriendelike kêrels (en binnekort sekerlik ook nooiens) wat graag vir ons ander bydraers help, veral as u 'n vraag op hul besprekingsbladsy sou pos. Om te sien wie is die administrateurs op die Afrikaanse Wikipedia, kyk na die lys van Afrikaanse Wikipedia-administrateurs.
Wat is 'n burokraat?[wysig bron]
'n Gebruiker met burokraatstatus is by magte om ander gebruikers na administrateurs te kan verander (maar kan nie die administrateurstatus weer wegneem nie); om gebruikers se gebruikersname te verander (gewoonlik op versoek van die betrokke gebruiker); en om bot-gebruikersbladsye te merk vir sekere dophoufunksies of die merk daarop weg te neem. Burokrate word geskep deur die burokrate van ander Wikipediaprojekte, mits diesulkes op daardie projek bestaan. Hier op ons Afrikaanse Wikipedia het ons een burokraat (wat terselftertyd steeds ook 'n administrateur is), genaamd Alias.
Hoe kan ek 'n administrateur word?[wysig bron]
Dit is heel maklik. Eerstens moet u begin deelneem as 'n geregistreerde gebruiker, en nie as 'n anonieme bydraer nie. Daarvoor benodig u 'n gebruikersbladsy. Om dit te kry, druk die blou "Teken in" skakel regs bo-aan die bladsy van enige Wikipedia-bladsy. As die aantekening eers geskied het, maak dan nuttige bydraes en veranderinge soos die tyd verloop. Op dié manier toon u aan die Afrikaanse Wikipedia-gemeenskap dat u hier is ten goede doele. Ná die verloop van 'n paar maande kan u u eie naam nomineer by administrateursnominasies.
Wie administreer die administrateurs?[wysig bron]
Elke handeling van 'n administrateur is sigbaar aan elke gebruiker (insluitend blokkasies, verwyderings en die redigeer van beskermde bladsye). Dit is dus elke Wikipediaan se taak om administrateurs dop te hou en, indien nodig, handelinge te bevraagteken. Administrateurs hou mekaar vriendelik dop; bowendien is omtrent al die beperkte aksies van 'n administrateur omkeerbaar deur enige ander administrateur. Indien 'n administrateur erg sou handuit ruk, het die Wikipedia arbitrasiekomitee die reg om so 'n individu te dissiplineer (en het al op ander projekte dit gedoen). In uiters rare omstandighede kan die Wikimediaraad van Trustees, of selfs Jimbo Wales ingryp.