Winburg
| Winburg | |
.svg)  Winburg
|
|
| Koördinate: | |
| Land |  Suid-Afrika |
|---|---|
| Provinsie | Vrystaat |
| Distriksmunisipaliteit | Lejweleputswa |
| Plaaslike Munisipaliteit | Masilonyana |
| Stigting | 16 Oktober 1836 |
| Oppervlak | |
| - Stad | 70,22 km² (27,1 vk m) |
| Bevolking (2010) | |
| - Stad | 12 252 |
| Tydsone | SAST (UTC+2) |
| Poskode | 9420 |
| Skakelkode(s) | 051 Plaaslyne: 05242 |
| Van Bloemfontein | 120km |
Winburg is 'n dorpie in die Vrystaat wat in 1836 deur die Voortrekkers aangelê is. Dit was die eerste Vrystaatse hoofstad. Die naam is oorspronklik "Wenburg" gespel, wat volgens sommige kenners ter viering van die Boeremagte oor die Matabele gegee is en volgens ander oor die oorwinning in 'n regsdispuut oor die presiese ligging van die dorp.
Dit het 'n rol gespeel in verskeie ander oorloë met plaaslike stamme en was 'n gevegstoneel tydens die Rebellie van 1914. Vandag is dit 'n graan- en wolsentrum. Die N1 nasionale pad gaan langs die dorp verby, terwyl die N5 nasionale pad hier begin/eindig na/van Harrismith.
NG gemeente [wysig]
Die NG gemeente is in 1841 as die 27ste gemeente in die land gestig. Dit was die eerste gemeente in die Vrystaat, is sewe jaar ouer as Bloemfontein se moedergemeente en naas Pietermaritzburg (1839) die oudste buite die destydse Kaapprovinsie. Twis en tweedrag in die gemeente vanweë die Rebellie het gelei tot die stigting van die gemeente Rietfontein in 1917 (sonder grense, soos byvoorbeeld Mooirivier in dieselfde jaar op Potchefstroom) ook op Winburg gestig. Die moedergemeente het in 2008 222 belydende lidmate gehad en Rietfontein 320.
