Winnie Madikizela-Mandela

in Wikipedia, die vrye ensiklopedie
Spring na: navigasie, soek
Winnie Madikizela-Mandela
Winnie Madikizela-Mandela

Winnie Madikizela-Mandela


Lid van die Suid-Afrikaanse Parlement
Ampsbekleër
Ampsaanvaarding
Mei 2009

Eerste Dame van Suid-Afrika
President Nelson Mandela
Voorafgegaan deur Marike de Klerk
Opgevolg deur Graça Machel

Adjunk-Minister van Kuns, Kultuur, Wetenskap en Tegnologie
Ampstermyn
1994 – 1996
President Nelson Mandela
Voorafgegaan deur Amp geskep
Opgevolg deur Pallo Jordan (Kuns en Kultuur)
Derek Hanekom (Wetenskap en Tegnologie)

Persoonlike besonderhede
Gebore Nomzamo Winfreda Zanyiwe Madikizela
26 September 1936
Bizana, Pondoland, Transkei, Suid-Afrika
Eggenoot/eggenote Nelson Mandela (1958–1996)

Winnie Madikizela-Mandela (gebore 26 September 1936 as Nomzamo Winifred Zanyiwe Madikizela) is 'n Suid-Afrikaanse anti-apartheidsaktivis, voormalige vrou van Nelson Mandela, asook eertydse kabinetsminister.

Bekendheid[wysig]

Madikizela-Mandela het bekend geraak tydens haar man se 27 jaar lange gevangenisstraf toe sy onder huisarres in die Vrystaatse dorpie Brandfort geplaas is. Sy het dikwels onder skoot gekom omdat sy vreedsame metodes om 'n einde aan apartheid te bring, verwerp het, en 'n voorstander van "halssnoermoorde" was, toe sy onder meer gesê het: "Saam, hand-aan-hand met ons stokke en vuurhoutjies, met ons halssnoere, sal ons hierdie land bevry." Sy en wyle Mandela is in 1996 geskei.

Misdade[wysig]

Sy is in 1991 gevonnis tot ses-jaar-gevangenisstraf vir haar aandeel aan die ontvoering van en moord op 'n 14-jarige seun (Stompie Seipei), wat daarvan verdink is dat hy 'n beriggewer van die polisie was. Ná appèl, is haar straf verminder tot 'n boete. Sy is ook daarvan beskuldig dat sy die wet oortree het tydens haar tydperk as voorsitter van die ANC-vroueliga. In April 2003 is sy skuldig bevind aan 43 klagte van bedrog en 25 van diefstal. Haar makelaar, Addy Moolman, is terselfdertyd skuldig bevind aan 58 klagte van bedrog en 25 van diefstal. Die klagte het verband gehou met geld wat geneem is uit leningsaansoekers se rekeninge by 'n begrafnisfonds, maar waarby die aansoekers nooit gebaat het nie. Madikizela-Mandela is hiervoor gevangenisstraf van vyf jaar opgelê. Kort na die skuldigbevinding het sy as parlementslid en voorsitter van die Vroueliga bedank.

In Julie 2004 het 'n appèlregter van die Pretoriase Hooggeregshof beslis die "misdade is nie vir persoonlike gewin gepleeg nie". Die regter het die skuldigbevinding aan diefstal tersyde gestel, maar dié vir bedrog onveranderd gelaat, hoewel sy uiteindelik 'n opgeskorte vonnis van drie jaar en ses maande tronkstraf gekry het.

Internasionale voorval[wysig]

Madikizela-Mandela het in Junie 2007 opslae gemaak toe die Kanadese regering haar toegang tot die land geweier het weens haar misdaadrekord. Sy sou 'n gala-fondsinsamelingsgeleentheid in Toronto bywoon vir 'n organisasie wat Afrika-musiek en -kuns bevorder. Tydens die geleentheid sou ook uittreksels uit 'n opera oor haar lewe, "The Passion of Winnie", opgevoer word.

Bronnne[wysig]

Commons-logo.svg
Wikimedia Commons het meer media verwant aan: