Winnipeg

in Wikipedia, die vrye ensiklopedie
Spring na: navigasie, soek

Winnipeg
Downtown-winnipeg.jpg

Kaart Wapen
Winnipeg, Manitoba Location.png
Coat of arms of Winnipeg.svg
Vlag
Flag of Winnipeg.svg
 Land Flag of Canada.svg Kanada
 Provinsie Flag of Manitoba.svg Manitoba
 Koördinate 49°54' N 97°08' W
 Stigting 1798 as Fort Rouge
 Oppervlakte:  
 - Totaal 464,01 vk km
 Hoogte bo seevlak 238 m
 Bevolking:  
 - Totaal (2006) 633 451
 - Bevolkingsdigtheid 1 365/vk km
 - Metropolitaanse gebied 739 000
 Tydsone UTC -6 (Sentrale tyd)
Somertyd UTC -5
 Burgemeester Sam Katz
 Amptelike Webwerf City of Winnipeg

Winnipeg is die hoofstad en grootste stad van die Wes-Kanadese provinsie Manitoba met 633 451 inwoners in die stad (2006) en 739 000 (of twee derdes van die provinsiale bevolking) in die metropolitaanse gebied. Winnipeg staan bekend as die Poort na die Weste (Gateway to the West) en speel 'n belangrike rol as nywerheid-, vervoer-, landbou-, finansiële en onderwyssentrum.

Winnipeg lê naby die geografiese middelpunt van Noord-Amerika, in 'n oorstromingsvlakte digby die samevloeiing van die Red- en Assiniboineriviere, en in die oorgangsgebied tussen die uitgestrekte woudgebiede van die Kanadese Skild en die oop graslandskappe van die Groot Vlaktes.

Met die voltooing van die spoorweg tussen Winnipeg en die Kanadese ooste in 1885 het die stad 'n vinnige ekonomiese opswaai beleef. Die bevolking het van 25 000 in 1891 tot 540 000 in 1971 gegroei. Dit was byna 'n eeu lank die snelste groeiende stad in die Groot Vlaktes van Kanada, en eers met die ontdekking van olievelde in Alberta in 1947 het Calgary en Edmonton tot die twee beduidendste groeisentra ontwikkel wat Winnipeg in 1976 as grootste metropole in die Groot Vlaktes verbygesteek het.

Klimaat[wysig]

Winnipeg is een van die koudste groot stede ter wêreld, met gemiddelde temperature benede vriespunt van November tot Maart (en koue nagte met 'n gemiddelde van -18 °C teen die middel van die winter). Desondanks is die somers tussen Mei en September dikwels baie warm met uiterstes van meer as 35 °C. Die stad kry meer reën- en sneeuval as enige ander stad in die Kanadese prairiegebiede, ten spyte van die oorwegend sonnige weer.

Commons-logo.svg
Wikimedia Commons het meer media verwant aan:
Winnipeg (kategorie)
Vlag van Kanada Hoofstede van Kanada Wapen van Kanada
Hoofstede CharlottetownEdmontonFrederictonHalifaxIqaluitOttawaQuebecstadReginaSt. John'sTorontoVictoriaWhitehorseWinnipegYellowknife