Wolkberg
Wolkberg |
|
|---|---|
 Burchellia bubalina groei in die Wolkberg |
|
| Ligging: | Limpopo, Suid-Afrika |
| Hoogte: | 2 126 meter |
| Reeks: | Drakensberg |
| Koördinate: | |
| Tipe: | Bosveldstollingskompleks en sandsteen |
| Rotsouderdom: | Neoargeaans tot vroeg-Paleoproterosoïes |
Die Wolkberg is 'n bergreeks in Limpopo, Suid-Afrika. Dit vorm die noordelike subreeks van die Drakensberg-sisteem. Die bergreeks strek ongeveer 30 km in 'n NW/SO rigting noord van Sekhukhuneland. Die nabygeleë dorpe is Haenertsburg en Tzaneen.
Inhoud |
Geografie [wysig]
Die reeks vorm 'n hoë plato en reik 2126 m hoog by die Ysterkroon, sy hoogste punt. Ander noemenswaardige pieke is die 2050 m hoë Serala,[1] 1838 m hoë Mamotswiri, 1667 m hoë Magopalone en 1611 m hoë Selemole.
Talle klein bergstroompies het hulle oorsprong in die Wolkberg, asook die Mohlapitse-rivier[2] en die Selatirivier, sytakke van die Olifantsrivier.[3]
Ekologie [wysig]
Die weer kan baie vinnig verander van helder sonskyn en mistig word, met die hoogste piek in wolke gehul, vandaar die naam Wolkberg. Die area is ruig, met rotsbanke en diep, klam klowe met stroompies water. Seldsame spesies soos die Wolkberg Zulu (Alaena margaritacea), die Wolkberg Widow (Dingana clara) en die Wolkberg Sandman (Spialia secessus), is vernoem na die bergreeks. Somige spesies soos die vlinder Lepidochrysops lotana is slegs in die Wolkberg-area bekend.[4]
Die Wolkberg Wildernisarea is 'n beskermde gebied in die bergreeks.[5]
Eksterne skakels [wysig]
- Wolkberg Wilderness, Near Polokwane, Limpopo Province
- Limpopo Tourism and Parks Board page on Wolkberg
Sien ook [wysig]
Verwysings [wysig]
- ↑ Wolkberg (Northern Part) Map
- ↑ The Olifants River System - Ecoregion 2.14 & 2.15
- ↑ Die Olifantsrivier-sisteem
- ↑ Woodhall, S. Field Guide to Butterflies of South Africa, Cape Town: Struik Publishers, 2005
- ↑ Maloti-Drakensberg Transfrontier Conservation Area
