Woordeboek van die Afrikaanse Taal

in Wikipedia, die vrye ensiklopedie
Spring na: navigasie, soek

Die Woordeboek van die Afrikaanse Taal (WAT), is die grootste woordeboek wat Afrikaanse woorde beskrywe. Deel I het op 7 Mei 1951 verskyn en dit het die woorde met die beginletters A tot C beskrywe. In Julie 2005 het deel XII verskyn, wat P tot Q beslaan. Deel XIII, wat onder andere die letter R bevat het verskyn op Augustus 2009. Op 28 Maart 2003 het die Elektroniese WAT die eerste keer verskyn.

Tans is die Buro van die WAT, 'n organisasie wat deel uitmaak van die Universiteit van Stellenbosch, gevestig in 'n eie gebou op Stellenbosch. Die hoofredakteur is dr. Willem Botha en die eindredakteur is dr. Frikkie Lombard. Ten spyte van die sterk afskaling van staatsondersteuning aan die WAT se werk, beywer die redakteurs hulle om hul voorgangers se werk voort te sit.

Die Buro publiseer ook ander werke, soos die Etimologiewoordeboek van Afrikaans (EWA). Uit Nederland is daar skenkings vir 'n tweede uitgawe van die Etimologiewoordeboek. Die Buro werk tans saam met uitgewery Pharos aan 'n tweede uitgawe van die Woordkeusegids (beplan vir 2006).

Sien ook[wysig]

Verwysings[wysig]

Eksterne skakels[wysig]