Woschod-ruimteprogram

in Wikipedia, die vrye ensiklopedie
Spring na: navigasie, soek
Woschod 1 en 2

Die Woschod-ruimteprogram (Russies: Восхо́д; "Opstyging", "Dagbreek") was ’n projek van die Sowjetunie vir twee bemande vlugte in die ruimte. Dit het gevolg op die Wostok-ruimteprogram – herwonne komponente is gebruik ná die kansellasie van dié program.

Ontwerp[wysig]

Dit is nou bekend dat die Woschod-program slegs daarop gemik was om Sowjet-eerstes in die ruimte te behaal – die eerste sending met twee mense en die eerste ruimtewandeling. Daarna is die program afgeskaf ná net twee sendings. Dit is vervang deur die beter Sojoes-program.

Die Woschod-ruimtetuig was eintlik ’n aangepaste Wostok-tuig. Die uitskietstoel is verwyder en twee of drie banke vir die bemanning is bygevoeg teen ’n 90 grade-hoek van die Wostok-bemanningsposisie. Die posisie van die instrumente is egter nie verander nie, sodat die bemanning hul nekke teen ’n hoek van 90 grade moes draai om die instrumente te sien.

Daar was geen manier vir die bemanning om te ontsnap tydens ’n noodgeval met die lansering of landing nie.

Vlugte[wysig]

Onbeman[wysig]

  • Kosmos 47 – onbemande toetsvlug
  • Kosmos 57 - onbemande toetsvlug, onsuksesvol
  • Kosmos 110 – Twee honde, Weterok en Oegoljok, 22 dae, gelanseer op 22 Februarie 1966.

Beman[wysig]

Sending Gelanseer Duur Landing Bemanning Notas
Woschod 1 12 Oktober 1964 1 d 0 u 17 m 3 s 13 Oktober 1964 Wladimir Komarof Konstantin Fjoktistof Boris Jegorof Eerste vlug met meer as een mens
Woschod 2 18 Maart 1965 1 d 2 u 2 m 17 s 19 Maart 1965 Pawel Beljajef Aleksei Leonof Eerste ruimtewandeling

Eksterne skakels[wysig]


Crystal txt.png

Hierdie artikel is vertaal vanuit die Engelse Wikipedia

Sowjet-ruimtesendings
Aardsatelliete: SpoetnikKosmosMolnijaZenitBionGlonassMeteor • Maanverkennings: LoenaLoenochodZond • Venus-sendings: WeneraWega • Mars-sendings: MarsnikMars-ruimteprogramFobos • Bemande sendings: WostokWoschodSaljoetSojoesMir