:wumpscut:

in Wikipedia, die vrye ensiklopedie
Spring na: navigasie, soek
:wumpscut:
Geboortenaam Rudolf Ratzinger
Geboorte 3 Junie 1966
Gangkofen, Rottal-Inn, Beiere (Duitsland)
Beroep(e) Platejoggie
Genre(s) Elektro-industrieel, hardcore elektro, elektro, agro tech, kraggeraas, donkerambience, geraas
Tipe stem Kras
Aktiewe jare 1991 — hede
Uitgewer(s) Æ
VUZ Records
Ant-Zen
Beton Kopf Media
OBUH Records
Subtronic Records
Metropolis Records
Nova Tekk Records
XIII Bis Records
Art Music Group
Webwerf www.wumpscut.com
Lede Rudolf Ratzinger
Portal.svg Musiekportaal

:wumpscut: (ook Wumpscut, :W:, of :\\//\\//:) is die musiekprojek van die platejoggie Rudolf "Rudy" Ratzinger (* 3 Junie 1966) wat hy in Mei 1991 in München, Beiere (Duitsland) tot stand gebring het. Kenmerkende eienskappe van :wumpscut: is die onsensitiewe en soms aanstootgewende musiek, albumomslagte en musiektekste.

Die meeste snitte van :wumpscut: handel oor gewelddade, die dood en die Christelike religie as 'n besonders grote euwel. Omstrede aanhalings word ook as liedteks in snitte benut. Voorbeelde hiervan is wanneer dialoog uit die rolprent Die Blechtrommel aangehaal word: "Daar was eens 'n liggelowige volk wat aan Vader Kersfees geglo het, maar Vader Kersfees was in werklikheid die gasman!", of uit die rolprent Verraten waar 'n kinderstem proklameer: "Een dag sal ons al die vieslike negers en Jode moor, en dan sal alles rein wees." (in die snit "Breathe" gebruik). In "Total War" word dele uit Joseph Goebbels se Sportpalastede en Adolf Hitler se rede aan SA en SS van die Reichsparteitag van 1936 gebruik.

Die musiekrigting van :wumpscut:, wat hoofsaaklik deur vroeëre hardcore-elektropioniere soos Leæther Strip beïnvloed is, word op gronde van die duistere liedtekste en aggressiewe klanke van die debuutalbum Music For A Slaughtering Tribe as "eindtyd-industrieel" of "eindtyd-EBM" beskryf. Dit is egter nie eenvoudig klassifiseerbare musiek nie, aangesien :wumpscut: se skeppings tussen dansbare ritmes tot rustige (tog steeds duistere) stukke varieer. Wanneer die musiek nie geheel as stilisties onafhanklik beskryf word nie, word die dansbare uitgereikde enkelsnitte in die algemeen as hardcore elektro, elektro, elektro-industrieel, of 'n mengsel van voorgenoemde, beskryf, terwyl die ander materiaal gewoonlik sterk eksperimenteel van aard is en sterke invloede van donkerambience en geraas toon.

Diskografie[wysig]

Albums[wysig]

  • Music For A Slaughtering Tribe (1993)
  • Bunkertor 7 (1995)
  • Embryodead (1997)
  • Boeses Junges Fleisch (1999)
  • Wreath Of Barbs (2001)
  • Bone Peeler (2004)
  • Evoke (2005)
  • Cannibal Anthem (2006)
  • Body Census (2007)
  • Schädling (2008)
  • FЦСҚIT (2009)[1]

EP's[wysig]

  • Dried Blood (1994)
  • Gomorra (1995)
  • DJ Dwarf One (2001)
  • DJ Dwarf Two (2002)
  • DJ Dwarf Three (2003)
  • DJ Dwarf Four (2004)
  • DJ Dwarf Five (2005)
  • DJ Dwarf Six (2006)
  • DJ Dwarf Seven (2007)
  • DJ Dwarf Eight (2008)
  • DJ Dwarf Nine (2009)

Versamelinge[wysig]

  • The Mesner Tracks (1996)
  • Born Again (1997)
  • Blutkind (2000)

Omstredenheid[wysig]

Op 23 September 2008 het daar 'n bloedbad in Kauhajoki (Finland) ontstaan toe 'n gewapende oudleerling sy gewese skool aangeval het. Die 22-jarige Matti Juhani Saari het elf leerlinge doodgeskiet, enkele andere beseer, 'n brand gestig, en homself vervolgens fataal in die hoof geskiet. Op Matti se YouTube-profiel onder die naam van Wumpscut86 het hy die liedteks van die snit "War (Embryodead)" van :wumpscut: aangehaal: "Die hele lewe is oorlog en die hele lewe is pyn en jy sal alleen veg in jou persoonlike oorlog." Die YouTube-profiel is ná die tragedie deur administrateurs summier verwyder.

Eksterne skakels[wysig]

Verwysings[wysig]

  1. wumpscut.de: Neues Album 2009