Wyfie

in Wikipedia, die vrye ensiklopedie
Spring na: navigasie, soek
Die venus-simbool word gebruik om vroulike organismes aan te dui.

'n Wyfie verwys in die natuur se diereryk na 'n vroulike organisme van 'n spesie, hetsy 'n soogdier, vis, voël of reptiel.

'n Duidelike onderskeidende kenmerk in die klas Mammalia (soogdiere), is die teenwoordigheid van melkkliere by vroulike diere. Die melkkliere is aangepaste sweetkliere wat melk prouseer, wat gebruik word om die kleintjies te voed vir 'n geruime tyd na hul geboorte. Slegs soogdiere produseer melk. Melkkliere is die mees ooglopende in die mens, omrede die vroulike menslike liggaam groot hoeveelhede vetterige weefsel stoor naby die tepels, wat in prominente borste uitstaan. Melkkliere is teenwoordig in alle soogdiere, hoewel dit slegs rudimentêr (onderontwikkel) is in die manlike lede van die spesie.

Vroulik () dui op die geslag van 'n organisme, of 'n deel van 'n organisme, wat 'n nie-mobiele eiersel (of eierselle) voortbring. Die meeste vroulike soogdiere, insluitend die vroulike mens, het twee X-chromosome in elke sel.

Soogdierwyfies baar hulle kleintjies lewendig (met die uitsondering van seldsame monotremes, wat eiers lê). Sommige nie-soogdiere, soos guppies, het analoog voortplantingstrukture en enkele ander nie-soogdiere, soos haaie, se eiers broei in die liggaam uit, dit gee dan die indruk dat hulle die kleintjies lewendig baar.

Eksterne skakels[wysig]