Yehuda Amital
in Wikipedia, die vrye ensiklopedie
Yehuda Amital, Hebreeus: יהודה עמיטל, gebore as Yehuda Klein, (Oradea, Roemenië, 31 Oktober 1924 - Jerusalem, 9 Julie 2010) was 'n Israelse Ortodoks-Judaïstiese rabbyn en politikus.
Amital het die Sjoa oorleef en het in die Israelse Onafhanklikheidoorlog van 1948 geveg. Na die Sesdaagse Oorlog van 1967 het hy 'n jesjiwa (Torah-skool), die Yeshivat Har Etzion, wat op die Wesoewer by Bethlehem geleë is, gestig. In 1988 het hy 'n politieke party begin, die linkse en religieus-zionistiese Meimad, waarvan hy die voorsitter was. Van 1995 tot 1996 was hy minister sonder portefeulje in 'n kabinet van eerste minister Shimon Peres. Dit is besonders dat hy ten spyte van sy ministerskap nie 'n lid van die Knesset was nie.
Eksterne skakels [wysig]
- (en) Yehuda Amital, webwerf van die Knesset.
