Zakumi

in Wikipedia, die vrye ensiklopedie
Weergawe deur Luckas-bot (besprekings | bydraes) op 08:56, 11 September 2011 (r2.7.1) (robot Bygevoeg: nn:Zakumi)

Zakumi (gebore 16 Junie 1994) is die amptelike gelukbringer (mascot) vir die FIFA Sokker-Wêreldbekertoernooi in 2010. Hy is 'n opgeruimde en sportiewe luiperd met groen hare wat op 22 September 2008 bekendgestel is. Sy naam is afgelei van "ZA", die ISO 3166-1-landkode vir Suid-Afrika, en "kumi", 'n woord wat tien in verskeie Afrikatale beteken. [1]

Profiel

Zakumi is op Jeugdag in 1994 gebore. Die groep-A wedstryd tussen Suid-Afrika en Uruguay vind ook op Jeugdag in 2010 plaas. Hy word in 2010 16-jaar oud om 16 jaar van demokrasie te gedenk[2].

Die groen en geel (goud) kleure van die karakter stem met die sprotsdrag wat algemeen deur Suid-Afrikaanse spanne gebruik word, insluitende die Suid-Afrikaanse nasionale sokkerspan, ooreen.

Andries Odendaal van Kaapstad het die oorspronklike karakter ontwerp. [3]

Die amptelike slagspreuk van Zakumi is "Zakumi speel regverdig" (of "Zakumi's game is Fair Play" in Engels). Die slagspreuk is op advertensiesborde tydens die 2009-konfederasiebeker gebruik, en sal wees tydens die 2010-wêreldbeker gebruik word.[2]

Volgens 'n grapperige FIFA-tekenprent het Zakumi sy hare groen gekleur sodat hy teen die groen gras van die sokkerveld gekamoefleer sal wees.[4].

Omstredenheid

'n Kontrak vir die vervaardiging van die Zakumi-gelukbringers is aan 'n maatskappy wat deur Dr. Shiaan-Bin Huang besit word toegeken.[5] Hy is 'n ANC-lid in die Suid-Afrikaanse parlement. Die vervaardiging van die gelukbringer is toe aan 'n Sjinese vervaardiger (Sjanghai Fashion Plastic Products) uitgekontrakteer. COSATU het sy kommer hieroor uitgespreek en voorgestel dat die produk eerder plaaslik vervaardig moet word [6].

Na bewerings van slawedrywery by Sjanghai Fashion Plastic Products se fabriek is 'n oudit deur die Global Brands-groep (die lisensiehouer) uitgevoer waartydens sekere ongerymdhede opgespoor is[5]. Die vervaardiger het egter ontken dat hy slawearbeid gebruik en verklaar dat die werkomstandighede van sy werknemers "uiters goed" is.[7]

Verwysings

  1. http://www.fifa.com/worldcup/organisation/mascot/index.html
  2. 2,0 2,1 "Ontmoet Zakumi, die gesig van 2010". Independent Online (Suid-Afrika). 22 September 2008. Besoek op 23 September 2008.
  3. http://www.fifa.com/worldcup/organisation/media/newsid=887044.html
  4. http://www.fifa.com/worldcup/organisation/mascot/index.html
  5. 5,0 5,1 "Zakumi maker forced to stop work". Fin24.com. 2010-3-09. Besoek op 2010-4-11. {{cite news}}: Gaan datum na in: |accessdate= en |date= (hulp)
  6. "SWC mascot production stops". Sport24.co.za. 2010-3-09. Besoek op 2010-4-11. {{cite news}}: Gaan datum na in: |accessdate= en |date= (hulp)
  7. "Zakumi maker hits out at critics". Fin24.com. 2010-3-10. Besoek op 2010-4-11. {{cite news}}: Gaan datum na in: |accessdate= en |date= (hulp)

Eksterne skakels