Zanzibar

Zanzibar

Vlag Wapen
Nasionale leuse: Geen
Amptelike Taal	Engels, Swahili
Hoofstad	Zanzibar-stad
Regeringsvorm	Republiek
- President
Oppervlak  - Totaal  - % water	2 643 km² 1 %
Bevolking  - Totaal  - Bevolkingsdigtheid
Geskiedenis  - Onafhanklikheid  - Vereniging met Tanganjika	10 Desember 1963 26 April 1964
UTC-afwyking	+3
Volkslied

Die eilande Oengoeja (links) en Pemba (regs), wat saam Zanzibar uitmaak

Zanzibar is die naam vir twee eilande: Oengoeja en Pemba wat in die Indiese Oseaan geleë is en deel vorm van Tanzanië. Die hoofstad van Zanzibar, Zanzibarstad, is geleë op Oengoeja. Die ou deel van die stad staan bekend as Steendorp en is 'n wêrelderfenisgebied. Al geniet Zanzibar 'n hoë graad van selfstandigheid, bly dit steeds deel van Tanzanië. In 1964 het dit saam met Tanganjika saamgesmelt om die Verenigde Republiek van Tanzanië te vorm.

Zanzibar se hoofindustrieë is speserye (waar onder kruinaeltjies, neutmuskaat, kaneel en peper), raffia en toerisme. Zanzibar is ook die tuiste van die endemiese Zanzibar Rooi Kolobus aap en die moontlik uitgestorwe Zanzibar-luiperd.

Die woord "Zanzibar" is moontlik afkomstig van die Persiese زنگبار, Zangi-bar ("kus van die swartes") en staan bekend as Zanji-bar in Arabies. "Zanzibar" kan ook 'n verwysing na die Zingiber-genus van gemmer wees. Die term "Zanzibar" word ook gereeld gebruik om na Oenjoega-eiland te verwys en daar word soms na Zanzibar in sy geheel verwys as die "Spesery-eilande", alhoewel hierdie term meer algemeen met die Molukke-eilande in Indonesië verbind word.