Zeerust

in Wikipedia, die vrye ensiklopedie
Zeerust
Kerkstraat in Zeerust
Kerkstraat in Zeerust
Zeerust is in Noordwes (Suid-Afrikaanse provinsie)
Zeerust
Zeerust
 Zeerust se ligging in Noordwes
Koördinate: 25°32′S 26°05′O / 25.533°S 26.083°O / -25.533; 26.083Koördinate: 25°32′S 26°05′O / 25.533°S 26.083°O / -25.533; 26.083
LandVlag van Suid-Afrika Suid-Afrika
ProvinsieNoordwes
DistrikNgaka Modiri Molema
MunisipaliteitRamotshere Moiloa
Stigting1867
Oppervlak
 • Totaal57,09 km2 (22,04 vk. myl)
Bevolking
 (2011)[1]
 • Totaal9 093
 • Digtheid159/km2 (410/vk. myl)
Rasverdeling (2011)
 • Wit mense25.3%
 • Indiërs/Asiërs7.4%
 • Bruin mense8.5%
 • Swart mense57.2%
 • Ander1.6%
Taal (2011)
 • Afrikaans 35.1%
 • Tswana 32.1%
 • Engels 16.5%
 • Noord-Sotho 1.2%
 • Ander 15.1%
Poskode (strate)
2865
Poskode (posbusse)
2865
Skakelkode018

Zeerust is 'n kommersiële dorp in die Ngaka Modiri Molema-distrik in Noordwesprovinsie, Suid-Afrika. Die dorp is geleë in die Maricovallei, 135 kilometer wes van Rustenburg en ongeveer 240 kilometer noordwes van Johannesburg. Die N4 nasionale pad, die hoofverbindingsroete tussen Suid-Afrika en Botswana, loop ook deur die dorp. Groot beesplase word in die gebied gevind, sowel as koring-, mielie-, tabak- en sitrusplase. Daar is ook fluoriet- en chromietmyne in die omgewing. Toerisme vorm 'n vinnig-ontwikkelende bedryf.

Geskiedenis[wysig | wysig bron]

Die oorspronklike naam van die plaas waarop die dorp gestig is was Sefathlani / Sebatlani (stowwerige plek) wat behoort het aan Casper Hendrik Coetzee, wat dit in 1858 gekoop het. Die plaas is later hernoem na Hazenjacht, en daarna Hazia / Hazeah. Casper Coetzee het Walter Seymore gekontrakteer om 'n kerk en 'n fort op die plaas te bou, maar hy (Casper) het gesterf voor hierdie voltooi is. In 1866, het die plaas in die hande van sy neef / swaer Diederik Jacobus Coetzee beland, wat die potensiaal van die ontwikkeling van 'n dorp op die plaas gesien het. Hy het enkele erwe uitgemeet met die idee om 'n dorp te begin. Hy het osrieme gebruik om die plotte af te meet in plaas van die aanvaarde opmeterskettings. Op 20 Maart 1867, is die eerste erwe van die nuutgestigte Coetzee-Rust per openbare veiling verkoop in Potchefstroom, voor die amptelike erkenning van die versoek om 'n dorp te begin kon verleen word. Die naam Coetzee se Rust is later verkort tot Zeerust.[2] Munisipale status is verkry op 18 Maart 1936.[3]

Zeerust was egter nie die eerste dorp in hierdie gebied nie. Die eer behoort aan Jacobsdal, 'n klein dorpie ongeveer 10 km suid van Zeerust geleë op die plaas Vergenoegd, naby die lusernstasie. Die gewildheid van Zeerust as handelsentrum het die einde van Jacobsdal beteken, en nou bestaan dit nie meer as 'n dorp nie.

Die belangrikste tale gebesig in Zeerust is Afrikaans (35%) en Tswana (32%) onderskeidelik. Die Batswana noem die dorp Sefatlhane. Na afloop van die demokratiese bedeling in 1994 is die naam van die munisipaliteit-Zeerust verander na Ramotshere Moiloa, 'n middel-20ste eeuse hoof van die Bahurutshe boo Moiloa, wat ook 'n politieke vyand van die apartheidsregering was.

Die stad is 'n kommersiële spilpunt vir die meeste van die dorpe in die Lehurutshe gebied, insluitend; Lekgophung, Supingstad, Moshana, Serake, Rietpan, Motswedi, Dinokana, Lekubu, Mosweu, Ntsweletsoku, Mokgola, Borakalalo en Gopane.

Sien ook[wysig | wysig bron]

Bronne[wysig | wysig bron]

  • Pieter de Jager(2001). "Die Korannafonteiners"

Verwysings[wysig | wysig bron]

  1. 1,0 1,1 1,2 1,3 "Hoofplek Zeerust". Sensus 2011.
  2. "Zeerust" (in Engels). Geargiveer vanaf die oorspronklike op 27 Augustus 2014. Besoek op 28 April 2010.
  3. "Index". www.routes.co.za.