Zola Budd
Zola Pieterse,[1][2] beter bekend onder haar nooiensvan Zola Budd (gebore 26 Mei 1966 in Bloemfontein, Vrystaat, Suid-Afrika), is 'n voormalige Olimpiese naelloper. Sy het in minder as twee jaar twee keer die wêreldrekord in die dames 5000 meter verbeter, en twee keer die World Cross Country Championships gewen. Budd se loopbaan was ongewoon omrede sy hoofsaaklik kaalvoet geoefen en gehardloop het. Haar prestasies op die baan is dikwels oorskadu deur die politieke omstredenheid tydens haar kort verblyf in die Verenigde Koninkryk.
Dames 5000-meter wêreldrekord [wysig]
In 1984, op die ouderdom van 17, verwerf Budd roem toe sy die vroue 5000-meter wêreldrekord met 'n tyd van 15:01.83 breek.[3] Aangesien sy die prestasie in Suid-Afrika behaal het, wat op daai stadium as gevolg van die apartheidsbeleid van internasionale deelname uitgesluit was, het die Internasionale Vereniging van Atletiekfederasies geweier om Budd se tyd as 'n amptelike wêreldrekord te herken.
In 1985 eis sy die rekord amptelik op terwyl sy Groot-Brittanje in 'n wedloop verteenwoordig, met 'n tyd van 14:48.07.[4]
Kulturele impak [wysig]
Verskeie taksies in Suid-Afrika is na Zola Budd vernoem om aan te dui hoe vinnig hulle tussen aflaaipunte beweeg.
Die ontslape sanger Brenda Fassie (waarna die Time Magazine in 2001 as die "die Madonna van die townships" verwys het) het 'n treffer enkelspeler in die 1980's met haar snit "Zola Budd" gehad.
Verwysings [wysig]
- ↑ "Zola Pieterse finds peace in native land", The Guardian, 10 Augustus 2005.
- ↑ Wooldridge, Ian, "Zola deserves warm welcome after all we put her through", Daily Mail, 9 April 2003.
- ↑ Driscoll, Dennis G. (6 Julie 2004). “Barefoot Running: A Natural Step For The Endurance Athlete?”. Master Track & Field News – Daily Newsletter from Ross Dunton, USA.
- ↑ “1985: Budd smashes 5,000m record”. BBC On This Day. 26 Augustus 2005.
