Draaijakkals
Draaijakkals | |
---|---|
Bedreigingstatus: Veilig
| |
Wetenskaplike klassifikasie | |
Koninkryk: | |
Filum: | |
Klas: | |
Orde: | |
Familie: | |
Subfamilie: | |
Genus: | Otocyon Müller, 1835
|
Spesie: | O. megalotis
|
Binomiale naam | |
Otocyon megalotis |
Die draaijakkals (Otocyon megalotis), ook bekend as die bakoorjakkals (vanweë sy groot ore), is 'n klein, skadelose dier wat in Afrika voorkom. Dit is die enigste spesie in die genus Otocyon.
'n Gemiddelde volwasse draaijakkals het 'n massa van 5 kg, 'n lengte van ± 80 cm en 'n hoogte van ± 35 cm. Sy ore is ongeveer 13 cm lank.
Draaijakkalse lewe van insekte en ander goggas, muise en ander knaagdiere en wilde vrugte. Hulle sal ook soms klein voëltjies vang of voëleiers eet.
Hulle kom in droë streke voor en is meestal snags aktief. Draaijakkalse woon in klein groepe wat bestaan uit 'n mannetjie en 'n wyfie en hulle kleintjies. Die wyfie is vir 3 maande dragtig en skenk telkens aan 3 tot 5 kleintjies geboorte. Beide ouers help om die kleintjies groot te maak.
Subspesies
- Otocyon megalotis megalotis - Suid-Zambië, Botswana, Namibië en Suid-Afrika
- Otocyon megalotis virgatus - Tanzanië, Kenia
- Otocyon megalotis canescens - Ethiopië, Somalië
Bronnelys
- Soogdiere van die Krugerwildtuin en ander Nasionale Parke (1979). Saamgestel deur Die Nasionale Parkeraad. 'n Publikasie van die Raad van Kuratore vir Nasionale Parke van die Republiek van Suid-Afrika. ISBN 0 86953 027 5.
- Clark, H.O., Jr. 2005. Otocyon megalotis. Mammalian Species. 766:1-5.
- Nel & Maas (2004): Otocyon megalotis by die IUCN se Red List vir bedreigde spesies.