Bespreking:Webbladsy

Page contents not supported in other languages.
in Wikipedia, die vrye ensiklopedie

Ek het nog nooit van 'n webbladleser gehoor nie. Ek glo "webblaaier" is die algemene term. --Alias (kontak) 09:58, 12 Julie 2008 (UTC)[antwoord]

Klink vir my soos sinonieme, maar jy is nogtans meer as welkom om dit na webblaaier te verander. Groete. Frank (kontak) 10:23, 12 Julie 2008 (UTC)[antwoord]
Vir my klink 'n webbladleser na 'n program wat sekere tipe dokumente kan oopmaak (sekerlik HTML). 'n Blaaier maak dit moontlik om deur dinge te blaai en die interaktiewe aard van die web tot sy reg te laat kom. Meeste verwysings na "webbladleser" op Google blyk na af.wp te wys. Ek glo nie dis 'n algemeen aanvaarde term nie. --Alias (kontak) 10:26, 12 Julie 2008 (UTC)[antwoord]
Jy is moontlik reg, beide klink vir my verstaanbaar en ondubbelsinnig, maar ek is geen kenner op die gebied nie. Ek besit ook nie 'n woordeboek wat enige van die variasies bevat nie. Wikipedia:Rekenaarterme verwys na die vertaling van "browser" as webblaaier, webbladleser of webleser. Samuel Murray se Engels - Afrikaans Internettermlys praat van 'n deurblaaier. Volgens Google is webleser die mees gebruikte term, gevolg deur webblaaier en deurblaaier, terwyl webbladleser selde gebruik word. Groete. Frank (kontak) 11:05, 12 Julie 2008 (UTC)[antwoord]
As ons 'n verwysing soek: Kuberwoordeboek, 2006 sê: web browser blaaier, webblaaier. Ek glo nie sommer enigiets wat ek lees nie, en mens moet maar dinge bespreek. Ek weet nie waar die inskrywing by Wikipedia:Rekenaarterme vandaan kom nie. Dié lys is veronderstel om redelik betroubaar te wees, maar iemand het seker maar aangevul soos hulle goedgedink het. Baie keuses in 'n tegniese woordelys is nie noodwendig 'n goeie ding nie. --Alias (kontak) 11:20, 12 Julie 2008 (UTC)[antwoord]