Gaan na inhoud

$Trump

in Wikipedia, die vrye ensiklopedie

$Trump (gestileer in alle hoofletters) is 'n kriptogeldeenheid en 'n sogenaamde meme-muntstuk wat geassosieer word met die Amerikaanse president Donald Trump, aangebied op die Solana-blokkettingplatform.[1] Een biljoen munte is oorspronklik geskep; 800 miljoen bly in besit van twee maatskappye wat deur Trump besit word, nadat 200 miljoen in die openbaar vrygestel is in 'n aanvanklike muntaanbod (ICO) op 17 Januarie 2025.[2] Minder as 'n dag later was die totale markwaarde van alle munte meer as $27 miljard. Die logo is 'n beeld van Trump wat sy vuis oplig nadat hy die poging tot sluipmoord in Julie 2024 oorleef het.[3]

Ná sy bekendstelling het sy prys oornag met meer as 300% gestyg. Binne twee dae het dit die 19de waardevolste vorm van kripto-geldeenheid in die wêreld geword, met 'n totale handelswaarde van byna $13 miljard, en 'n totaal van $29 miljard se transaksies gebaseer op 'n $64-waarde van elk van die 200 miljoen munte wat uitgereik is deur die middag van 19 Januarie. Die New York Times het berig dat Trump-affiliasies 'n bykomende 800 miljoen munte beheer het wat hipoteties meer as $56 miljard werd kan wees, wat Trump moontlik een van die rykste mense in die wêreld maak teen 'n geraamde netto waarde van $63,8 miljard.[4] Op 19 Januarie 2025 het Trump se vrou, Melania, haar eie meme-munt, $Melania, bekendgestel.[5]

Verwysings

[wysig | wysig bron]
  1. "Solana surges 12% on launch of Trump-themed meme coin, ether falls" (in Engels). CNBC. Geargiveer vanaf die oorspronklike op 18 Januarie 2024. Besoek op 24 Januarie 2025.
  2. "Trump launches his own meme coin, and its value soars to billions overnight" (in Engels). South China Morning Post. Geargiveer vanaf die oorspronklike op 18 Januarie 2024. Besoek op 24 Januarie 2025.
  3. "Trump Begins Selling New Crypto Token, Raising Ethical Concerns" (in Engels). The New York Times. Geargiveer vanaf die oorspronklike op 18 Januarie 2024. Besoek op 24 Januarie 2025.
  4. "Donald Trump, crypto billionaire" (in Engels). Axios. Geargiveer vanaf die oorspronklike op 19 Januarie 2024. Besoek op 24 Januarie 2025.
  5. "'The gloves are off': Trump appears poised to cash in from his presidency in new ways" (in Engels). CNN. Geargiveer vanaf die oorspronklike op 23 Januarie 2024. Besoek op 24 Januarie 2025.

Eksterne skakels

[wysig | wysig bron]