Şehrazat

in Wikipedia, die vrye ensiklopedie
Jump to navigation Jump to search
Şehrazat
GeboortenaamŞehrazad Kemali Söylemezoğlu
Ook bekend asŞehro, Scheherazade, Şehrazad, Şehrazat
Gebore3 September 1952 (1952-09-03) (67 jaar oud)
Ankara, Turkye
OorsprongIstanboel, Turkye
Beroep(e)Popsangeres
Jare aktief1967 – nou

Şehrazat Kemalî Söylemezoğlu (Scheherazade) (gebore 3 September 1952), bekend aan haar verhoognaam Şehrazat of Şehro, is 'n bekende Turkse celebutante, TV-persoonlikheid, komponis, liedjieskryfster, vervaardiger en jazz- en popmusieksangeres.

Biografie[wysig | wysig bron]

Sy het gegradueer van die Internasionale Skool vir Choueifat, in Beiroet, Libanon, wat behoort tot 'n versameling van internasionale privaatskole, bestuur deur die SABIS van die Britse skoolstelsel in verskillende Midde-Oosterse lande. Dit was haar ouers se wil dat sy dit bywoon vir 'n beter opvoeding. Sy is Turks, Arabies, Frans en Engels magtig. Haar pa Siham Kemali Söylemezoğlu (kleinkind van Ali Kemali Pasha – een van die voormalige goewerneurs van Konya-stad) was 'n bekende sakeman wat beskou word as die eerste mynboumagnaat van Turkye. Haar ma Sevinç Tevs was die dogter van die Turkse ambassadeur van Albanië.

Sy is die eerste internasionaalbekende jazzsangeres van Turkye, en word deur die owerhede beskryf as "een van die mees wonderbaarlike stemme van die 20ste eeu". Sy was 'n diva wat die wennerstitel van die 1948 Miami Jazz Festival voor Sarah Vaughan (die naaswenner) weggeraap het, met die liedjie For You, wat saamgestel is deur hul familievriend, die wêreldwydbekende Turkse musiekprodusent en 12-keer Grammy-wenner, Arif Mardin. Şehrazat word as enigste kind en 'n dame uit 'n ryk familie, 'n groot hoeveelheid publisiteit verleen deur die Turkse media, wat dikwels fokus op haar rykdom en lewenstyl.

Hüsrev Gerede, 'n belangrike bondgenoot van Atatürk in die Turkse Onafhanklikheidsoorlog, lid van die parlement en diplomaat, is Şehrazat se oom. Şehrazat se oupagrootjie, Hammamizade İsmail Dede Efendi, is die mees wyderkende komponis van Turkse klassieke musiek. Een van haar ooms is die argitek van Anıtkabir & Taşkışla (die hoofkampus van die Istanbul Tegniese Universiteit – saam met Skotse argitek James Smith) en haar ander oom is Cevdet Çağla, eweneens 'n bekende komponis van Turkse musiek.

Joernalis Mithat Perin (voorganger van Abdi İpekçi) en politikus Selim Sarper is ook haar naasbestaandes. Haar neef is die voormalige doelwagter van Galatasaray-sokkerklub Turgay Şeren en haar niggie is Hülya Koçyiğit, 'n bekende Turkse filmaktrise in leidende rolle. Almal in haar familie het gegradueer van Galatasaray Lisesi (Lycee de Galatasaray), die mees invloedryke skool in Turkye.

Musiekloopbaan[wysig | wysig bron]

Şehrazat is verantwoordelik vir honderde Turkse trefferliedjies. Haar se eerste treffer-liedjie was "Yaz Yaz Yaz", gesing deur die Turkse superster Ajda Pekkan. Hierdie liedjie het 'n omwenteling in Turkse popmusiek meegebring. Şehrazat se onlangse werke is "Kocaman Öpüyorum" en "Sırada Sen Varsın", ook treffers saamgestel deur haar, gesing deur die bekende sangeres Bengu. Demet Sağıroğlu se primêre projek "Kınalı Bebek", was ook 'n gewilde lied deur Şehrazat. Selfs al het sy 'n rare, wonderlike stem soos haar ma, is sy onlangs wydbekend om haar musiekproduksies en komposisies. Sezen Aksu, ook bekend as die "Koningin van Turkse Pop", of Minik Serçe, die "Klein Mossie", 'n Turkse popmusieksangeres, liedjie-skryfster en produsent, wat meer as 40 miljoen albums wêreldwyd verkoop het, is in werklikheid ook Şehrazat se nouste kollega. Şehrazat is verder die regisseur van diva Ajda Pekkan, voormalige Eurovision Song Contest deelnemer Sibel Tüzün, asook Band AF.