1. FC Saarbrücken

in Wikipedia, die vrye ensiklopedie
1. FC Saarbrücken

Volledige naam 1.Fußball-Club
Saarbrücken e.V.
Stigtingsdatum 18 April 1903
Tuisveld Ludwigsparkstadion,
Saarbrücken
Kapasiteit 35 303
Kompetisie 3. Liga
Die oorkantse pawiljoen en D-blok, Ludwigsparkstadion, Saarbrücken

1. FC Saarbrücken is 'n Duitse sokkerklub uit Saarbrücken, hoofstad van die deelstaat Saarland.

Die klub is op 18 April 1903 in die buurt Malstatt in Saarbrücken as die sokkerafdeling van die sportklub TV 1876 Malstatt opgerig. Die sokkerafdeling het in 1907 onafhanklik geraak as FV Malstatt-Burbach en is in 1909 herdoop na FV Saarbrücken. Tussen 1943 en 1945 het die klub saam met SC 07 Altenkessel gespeel as Kriegsspielgemeinschaft Saarbrücken. Na die Tweede Wêreldoorlog is die klub op 25 November 1945 herstig as 1. FC Saarbrücken.

In 1935 het die klub gepromoveer na die Gauliga Suidwes, een van die toenmalige 16 hoogste klasse. Tydens die oorlog het die klub 2 keer kampioen geword en aan die eindronde om die Duitse titel deelgeneem. In 1943 haal die klub die eindstryd, maar verloor teen Dresdner SC.

Na die Tweede Wêreldoorlog het die klub in die Oberliga Suidwes meegeding, maar na 3 seisoene is alle klubs uit Saarland onttrek om in 'n onafhanklike Saarlandse liga mee te ding. Dit was deel van Frankryk se planne om Saarland onafhanklik van Duitsland te kry. Die klub was egter te sterk vir die hoogste Saarliga en het 'n versoek ingedien om in die Franse 2de liga te mag meeding. Die versoek het die Franse gepas, maar teen hulle verwagtinge in wen Saarbrücken toe die liga met 'n 6-punte voorsprong op Girondins de Bordeaux. Die Franse wou nie die klub toelaat om na Frankryk se eerste liga te promoveer nie en die klub moes voortaan weer in die Saarlandse kompetisies deelneem.

Vanaf die 1951/52-seisoen het die klubs uit Saarland teruggekeer na die Duitse kompetisies. Saarbrücken het in die uitspeelwedstryde om die Duitse kampioenskap weer die eindstryd gehaal, maar verloor teen VfB Stuttgart. In 1955/56 kon die klub as verteenwoordiger van die Saarse sokkerbond deelneem aan die heel eerste Europese beker I, maar het in die eerste ronde teen AC Milaan verloor.

In 1963 was die klub een van die 16 deelnemers aan die eerste Bundesliga-seisoen. Die keuse van Saarbrücken was egter kontroversieel omdat die klub nie noodwendig op daardie stadium die sterkste in sy streek was nie.

Die klub speel tans in die Oberliga Suidwes.

Onlangse ligaposisionering[wysig | wysig bron]

  • 1963-64 (I) Bundesliga 16de
  • 1964-65 (II) Regionalliga Suidwes 1ste
  • 1965-66 (II) Regionalliga Suidwes 2de
  • 1966-67 (II) Regionalliga Suidwes 2de
  • 1967-68 (II) Regionalliga Suidwes 5de
  • 1968-69 (II) Regionalliga Suidwes 3de
  • 1969-70 (II) Regionalliga Suidwes 6de
  • 1970-71 (II) Regionalliga Suidwes 4de
  • 1971-72 (II) Regionalliga Suidwes 12de
  • 1972-73 (II) Regionalliga Suidwes 13de
  • 1973-74 (II) Regionalliga Suidwes 2de
  • 1974-75 (II) 2.Bundesliga Suid 7de
  • 1975-76 (II) 2.Bundesliga Suid 1ste
  • 1976-77 (I) Bundesliga 14de
  • 1977-78 (I) Bundesliga 17de
  • 1978-79 (II) 2.Bundesliga Suid 8ste
  • 1979-80 (II) 2.Bundesliga Suid 5de
  • 1980-81 (II) 2.Bundesliga Suid 17de
  • 1981-82 (III) Am.Oberliga Suidwes 3de
  • 1982-83 (III) Am.Oberliga Suidwes 1ste
  • 1983-84 (II) 2.Bundesliga 10de
  • 1984-85 (II) 2.Bundesliga 3de
  • 1985-86 (I) Bundesliga 17de
  • 1986-87 (II) 2.Bundesliga 15de
  • 1987-88 (II) 2.Bundesliga 13de
  • 1988-89 (II) 2.Bundesliga 3de
  • 1989-90 (II) 2.Bundesliga 3de
  • 1990-91 (II) 2.Bundesliga 5de
  • 1991-92 (II) 2.Bundesliga Suid 1ste
  • 1992-93 (I) Bundesliga 18de
  • 1993-94 (II) 2.Bundesliga 14de
  • 1994-95 (II) 2.Bundesliga 7de
- verpligte relegasie
  • 1995-96 (III) Regionalliga W/SW 7de
  • 1996-97 (III) Regionalliga W/SW 3de
  • 1997-98 (III) Regionalliga W/SW 4de
  • 1998-99 (III) Regionalliga W/SW 5de
  • 1999-00 (III) Regionalliga W/SW 1ste
  • 2000-01 (II) 2.Bundesliga 8ste
  • 2001-02 (II) 2.Bundesliga 16de
  • 2002-03 (III) Regionalliga Suid 6de
  • 2003-04 (III) Regionalliga Suid 3de
  • 2004-05 (II) 2.Bundesliga 12de
  • 2005-06 (II) 2.Bundesliga 16de
  • 2006-07 (III) Regionalliga Suid 15de
  • 2007-08 (IV) Oberliga Suidwes

Eksterne skakels[wysig | wysig bron]

3. Liga 2010/11-seisoen

Rooiwit Ahlen - SV Babelsberg 03 - 1. FC Heidenheim 1846 - FC Hansa Rostock - Kickers Offenbach - FC Rooiwit Erfurt - SpVgg Unterhaching - FC Bayern München II - SV Sandhausen - VfB Stuttgart II -
Eintracht Brunswyk - TuS Koblenz - Dynamo Dresden - SV Wacker Burghausen - SV Wehen - VfR Aalen - SSV Jahn Regensburg - FC Carl Zeiss Jena - SV Werder Bremen II - 1. FC Saarbrücken