100 meter hekkies
Die 100 m-hekkies is 'n atletiekitem wat slegs deur vroue gehardloop word. Mans hardloop die 110 m hekkies. Die 100 m-hekkies is sedert die 1972 Olimpiese Spele 'n Olimpiese item. Voor dit, vanaf die Spele van 1932, was die 80 m hekkies op die program vir vroue.
Spesifikasies en reëls
[wysig | wysig bron]Tien hekkies met 'n hoogte van 84 sentimeter word oor die afstand versprei. Die eerste hekkie is 13 meter van die wegspring af en daarna is alle hekkies 8,5 meter uitmekaar. Die hekkies is so ontwerp dat hulle omval as 'n atleet hulle tref. Dit word toegelaat, solank 'n gevalle hekkie nie 'n opponent hinder nie.
Rekords
[wysig | wysig bron]Jordanka Donkova se wêreldrekord van 12.21 s het vir byna dertig jaar gestaan, van 1988 tot 2016. Op 22 Julie 2016 het Kendra Harrison 0.01 sekonde vinniger gehardloop. Tobi Amusan het hierna die rekord na 12.12 s verbeter by die 2022 Wêreldatletiekkampioenskappe.
