1036 Ganymed
- Vir die maan van Jupiter, sien Ganumedes (maan).
_Ganymed.png) | |
| Ontdekking | |
|---|---|
| Ontdek deur: | W. Baade |
| Wenteleienskappe | |
| Afelium: | 4,0837 AE |
| Perihelium: | 1,2421 AE |
| Halwe lengteas: | 2,6629 AE |
| Eksentrisiteit: | 0,5335 |
| Wentelperiode: | 4,35 jaar |
| Baanhelling: | 26,693° |
1036 Ganymed, met die voorlopige naam "1924 TD", is 'n rotsagtige asteroïed in 'n hoogs eksentrieke baan wat geklassifiseer word as 'n nabyaardevoorwerp van die Amor-groep. Dit is op 23 Oktober 1924 deur die Duitse sterrekundige Walter Baade by die Bergedorf-sterrewag in Hamburg ontdek en na Ganumedes van die Griekse mitologie genoem.[1][2] "Ganymed" is die Duitse spelling.
Met 'n deursnee van sowat 35 km is Ganymed die grootste van alle nabyaardevoorwerpe, maar dit kruis nie die Aarde se wentelbaan nie. Die S-tipe asteroïed het 'n rotasieperiode van 10,3 uur. Daar is voorspel dat dit in Oktober 2024 sowat 0,374097 AE van die Aarde sou kom.[3]
Wentelbaan en klassifikasie
[wysig | wysig bron]
Ganymed is 'n Amor-asteroïed, 'n subgroep van die nabyaardeasteroïede waarvan die wentelbane naby aan dié van die Aarde kom, maar dit nie kruis nie. Hulle voltooi elke vier jaar en vier maande (dus elke 52 maande of 1 587 dae) 'n wentelbaan om die Son op 'n afstand van 12-4,1 AE. Ganymed se wentelbaan het 'n hoë eksentrisiteit van 0,53 en 'n helling van 27° met betrekking tot die sonnebaan.[4]
Nabye afstand
[wysig | wysig bron]Aardafstand
[wysig | wysig bron]Ganymed se laaste nabye afstand aan die Aarde was 0,374097 AE (56 000 000 km) op 13 Oktober 2024.[3]
Marsafstand
[wysig | wysig bron]Vanweë die hoë eksentrisiteit van sy wentelbaan is Ganymed ook 'n Marsskrammer: Dit kruis Mars se wentelbaan by 1,66 AE. Op 16 Desember 2176 sal dit 0,02868 AE (4 290 000 km) van Mars af wees.[3]
Naam
[wysig | wysig bron]Die asteroïed is genoem na Ganumedes, 'n figuur uit die Griekse mitologie. Die Duitse spelling, "Ganymed", is gebruik. Ganumedes was 'n Trojaanse prins wat deur Zeus ontvoer is om die wynskinker van die gode te wees. Ook Jupiter se derde maan, Ganumedes, is na hom genoem.[2]
Verwysings
[wysig | wysig bron]- ↑ "1036 Ganymed (1924 TD)". Minor Planet Center. Besoek op 29 Augustus 2018.
- 1 2 Schmadel, Lutz D. (2007). "(1036) Ganymed". Dictionary of Minor Planet Names – (1036) Ganymed. Springer Berlin Heidelberg. p. 89. doi:10.1007/978-3-540-29925-7_1037. ISBN 978-3-540-00238-3.
- 1 2 3 "JPL Close-Approach Data: 1036 Ganymed (1924 TD)" (last observation: 2012-01-10). Besoek op 15 Januarie 2012.
- ↑ "JPL Small-Body Database Browser: 1036 Ganymed (1924 TD)" (2018-07-03 last obs.). Jet Propulsion Laboratory. Besoek op 29 Augustus 2018.
Skakels
[wysig | wysig bron]- Risk corridor over Southern Hemisphere
- 2010 RF12: A second asteroid will buzz the Earth today, csmonitor.com, September 8, 2010
- Early warning for close approaches of two house-sized asteroids, The Planetary Society, September 8, 2010
Hierdie artikel is in sy geheel of gedeeltelik uit die Engelse Wikipedia vertaal.
