1871

Die jaar 1871 was 'n gewone jaar wat volgens die Gregoriaanse kalender op 'n Sondag begin het. Dit was die 71ste jaar van die 19de eeu n.C. Soos ander gewone jare het die jaar 12 maande, 52 weke en 365 dae gehad.

Gebeure

• 18 Januarie – Frans-Duitse Oorlog: Die Pruisiese koning, Wilhelm I, word in die kasteel van Versailles tot keiser van die Duitse Keiserryk verklaar. Berlyn word die hoofstad van die Duitse Ryk.
• 27 Maart – Engeland en Skotland speel in die eerste internasionale rugbywedstryd; Skotland klop Engeland 1–0.
• 13 Mei – Die Italiaanse parlement erken die soewereiniteit van die Pous.
• 27 Junie – Die jen word Japan se amptelike geldeenheid.
• 20 Julie – Brits-Columbië word 'n provinsie van die Kanadese Konfederasie.
• 8 Oktober – Die Groot Vuur van Chicago breek uit.

Geboortes

• 9 Januarie – Eugene Marais, Afrikaanse skrywer en digter († 1936).
• 22 Februarie – John Langalibalele Dube, 'n Suid-Afrikaanse essayis, filosoof, opvoedkundige, politikus, uitgewer, redakteur, skrywer en digter († 1946)
• 12 Maart – Sen. F.S. Malan, politikus en kabinetsminister († 1941).
• 16 Maart – Hans Merensky, Suid-Afrikaanse geoloog, prospekteerder, wetenskaplike, omgewingsbewaarder en weldoener († 1952).
• 28 Maart – Willem Mengelberg, Nederlandse simfoniedirigent († 1951).
• 28 April – Leonid Sherwood, Russiese beeldhouer en argitek († 1954).
• 4 Junie – Charles Stallard, leier van die Dominiumparty († 1971).
• 10 Julie – Marcel Proust, Franse skrywer, kritikus en essayis († 1922).
• 29 Julie – Pietro Badoglio, Italiaanse soldaat en staatsman († 1956).
• 30 Augustus – Ernest Rutherford, Nieu-Seelands-gebore Britse fisikus en Nobelpryswenner († 1937)
• 15 September – I.W. Schlesinger, sakemagnaat en baanbreker van die Suid-Afrikaanse vermaakbedryf († 1949).
• 18 September – Ferdie Aston, Suid-Afrika se vierde Springbokkaptein († 1926).
• 3 Oktober – Stijn Streuvels, Vlaamse skrywer († 1969).
• 12 Desember – Jackie Powell, Suid-Afrika se sewende Springbokkaptein († 1955).
• 30 Desember – J.H.H. de Waal, regsgeleerde, taalman en politikus († 1937).
• Onbekend – John Spurgeon Henkel Suid-Afrikaanse plantkundige († 1962).

Sterftes

• 23 Februarie – Martin Melck, stamvader van die Melck-familie in Suid-Afrika (* 1723).
• 11 Mei – John Herschel, ’n Britse wiskundige, sterrekundige, apteker en eksperimentele fotograaf/uitvinder (* 1792).
• 14 Augustus – Philip Blommaert, Vlaamse skrywer (* 1809).
• 4 Oktober – Sarel Cilliers, Voortrekker-leier (* 1801)
• 18 Oktober – Charles Babbage, ’n Engelse wiskundige, filosoof, uitvinder en meganiese ingenieur (* 1791).
• 10 November – Dick King, Britse setlaar, bekend vir sy tog van 960 km te perd (* 1811)

Gepubliseer

• 21 Augustus – Die apostoliese konstitusie In Hac Sublimi deur Pous Pius IX.
• Die kortverhaal A Passionate Pilgrim deur Henry James.