1935

Die jaar 1935 was 'n gewone jaar wat volgens die Gregoriaanse kalender op 'n Dinsdag begin het. Dit was die 35ste jaar van die 20ste eeu n.C. Soos ander gewone jare het die jaar 12 maande, 52 weke en 365 dae gehad.

Gebeure

• 22 Maart – Die eerste gereelde televisie-program word in die Duitse hoofstad Berlyn uitgesaai.
• 1 April – Eugenio Pacelli (later Pous Pius XII) word Camerlengo.
• 7 Julie – Albino Luciani (later Pous Johannes Paulus I) word priester.
• 28 Julie – Nooiensvlug van die Boeing B-17 Flying Fortress bomwerper.
• 3 November – George II van Griekeland kry sy troon terug.
• 5 November – Parker Brothers stel die bordspel Monopoly vry.

Geboortes

• 8 Januarie – Elvis Presley, Amerikaanse sanger en ruk-en-rol-koning († 1977).
• 16 Februarie – Leonore Veenemans, Suid-Afrikaanse sopraan († 1973).
• 13 Maart – Chris Stals, voormalige Goewerneur van die Suid-Afrikaanse Reserwebank.
• 22 April – Jerry Fodor, Amerikaanse filosoof († 2017).
• 2 Mei – Koning Faisal II van Irak († 1958).
• 23 Mei – Francois van Heyningen, Suid-Afrikaanse akteur, sanger, skrywer en radio-omroeper († 2015).
• 29 Mei – André P. Brink, Suid-Afrikaanse skrywer († 2015).
• 21 Junie – Francoise Sagan, Franse dramaturg en skrywer († 2004).
• 27 Junie – Anna Moffo, Italiaans-Amerikaanse sopraan († 2006).
• 27 Junie – Louis van Niekerk, Afrikaanse verhoog-, rolprent- en TV-akteur en ’n teaterregisseur.
• 27 Julie – Petra Müller, Afrikaanse digter en skrywer.
• 11 Augustus – Lofty Nel, Suid-Afrikaanse Springbokrugbyspeler († 2016).
• 18 Augustus – Hifikepunye Pohamba, Namibiese politikus en tweede president van Namibië (2005–2015).
• 1 September – Dawid Kruiper, tradisionele leier van die Khomani San in die Kalahari († 2012).
• 14 September - Wilna Snyman, Suid-Afrikaanse aktrise.
• 1 Oktober – Julie Andrews, Britse sanger, aktrise en skrywer van kinderboeke.
• 12 Oktober – Luciano Pavarotti, Italiaanse tenoor († 2007).
• 1 November – Gary Player, Suid-Afrikaanse gholfspeler.
• 18 November – Abie Malan, Suid-Afrika se dertigste Springbokkaptein († 2014).
• 1 Desember – Woody Allen, Amerikaanse draaiboekskrywer, regisseur en akteur.

Sterftes

• 26 Februarie – August Ahrbeck, Suid-Afrikaanse predikant en taalstryder (* 1851).
• 28 Maart – Tielman Roos, advokaat, regter, politikus en Suid-Afrikaanse minister van justisie (* 1879).
• 19 Mei – T. E. Lawrence, Britse soldaat ("Lawrence of Arabia") (* 1888).
• 12 Julie – Alfred Dreyfus, bekend vir die Dreyfus-saak (* 1859)
• 22 Julie – William Mulholland, Amerikaanse siviele ingenieur van Ierse herkoms (* 1855).
• 22 Oktober – Edward Carson, Ierse politikus, advokaat en regter (* 1854).