1947

Die jaar 1947 was 'n gewone jaar wat volgens die Gregoriaanse kalender op 'n Woensdag begin het. Dit was die 47ste jaar van die 20ste eeu n.C. Soos ander gewone jare het die jaar 12 maande, 52 weke en 365 dae gehad.

Gebeure

• N. Wiener gebruik vir die eerste keer die term kubernetika om die konsep van terugvoer en selfregulering in stelsels te bespreek.
• 25 Januarie – Die NG gemeente Port Nolloth in Namakwaland stig af van die moedergemeente op Springbok.
• 15 April – Jackie Robinson maak sy debuut vir die Los Angeles Dodgers-bofbal span, en breek so dié sport se kleurlyn.
• 18 April – Mev. Ples word deur Robert Broom en John T. Robinson gevind.
• 25 Junie – Die Boeing B-50 Superfortress onderneem sy nooiensvlug.
• 14 Augustus – Pakistan word van die Verenigde Koninkryk onafhanklik.
• 15 Augustus – Indië word van die Verenigde Koninkryk onafhanklik en Jawaharlal Nehru word die eerste eerste minister van dié land.
• 18 September – Die Amerikaanse Lugmag word 'n afsonderlike deel van die Amerikaanse Weermag.
• 23 Desember – Die transistor wat deur John Bardeen, Walter Brattain en William Shockley uitgevind is, word die eerste keer gedemonstreer by Bell Laboratories.
• 30 Desember – Koning Michael word geforseer om te abdikeer ná Roemenië 'n volksrepubliek word.
• 30 Desember – Die Russiese MiG-15 vegvliegtuig onderneem sy nooiensvlug in Moskou.

Geboortes

• 8 Januarie – David Bowie, Britse sanger, liedjieskrywer en vervaardiger († 2016).
• 24 Januarie – Michio Kaku, Amerikaanse futuris en teoretiese wetenskaplike.
• 3 Maart – Carike Keuzenkamp, Afrikaanse sangeres.
• 4 Maart – Jan Garbarek, Noorse jazz-saksofonis.
• 6 Maart – Cicely van Straten, Suid-Afrikaanse skrywer.
• 12 Maart – Mitt Romney, Amerikaanse politikus.
• 18 Maart – Stevo Crvenkovski, diplomaat van die Republiek van Masedonië († 2004).
• 23 Maart – Ray Phiri, Suid-Afrikaanse sanger († 2017).
• 26 Maart – John van Reenen, voormalige Suid-Afrikaanse diskus wêreldrekordhouer († 2018).
• 26 Maart – Subhash Kak, Indies-Amerikaanse rekenaarwetenskaplike en digter.
• 12 April – Tom Clancy, Amerikaanse outeur († 2013).
• 25 April – Johan Cruijff, Nederlandse sokkerspeler en -afrigter († 2016).
• 14 Mei – Hans Strydom, Suid-Afrikaanse akteur.
• 19 Junie – Sir Salman Rushdie, Brits-Indiese romanskrywer en essayis.
• 26 Junie – Peter Sloterdijk, Duitse filosoof en kultuurteoretikus.
• 19 Julie – Brian May, Britse kitaarspeler, sanger en musiekkomponis.
• 22 Julie – Bles Bridges, Suid-Afrikaanse sanger († 2000).
• 2 Augustus – Sjoerd Soeters, Nederlandse argitek.
• 3 Augustus – Tadahiko Ueda, Japannese sokkerspeler († 2015).
• 4 Augustus – Klaus Schulze, Duitse komponis, musikus en vervaardiger.
• 22 Augustus – Ian Scheckter, voormalige Suid-Afrikaanse Formule Eenrenjaer.
• 28 Augustus – Irma Joubert, Afrikaanse geskiedkundige fiksie skrywer.
• 5 September − Barbara Thalheim, Duitse sangeres en liedjieskryfster.
• 21 September – Stephen King, Amerikaanse skrywer.
• 17 Oktober – Erik Aaby, voormalige Noorweegse tydrenjaer.
• 30 November – Sergio Badilla Castillo, Chileense digter, essayis, vertaler en universiteitsprofessor.
• 28 Desember – Mamphela Ramphele, Suid-Afrikaanse voormalige anti-apartheidsaktivis/politikus, dokter, akademikus.

Sterftes

• 25 Januarie – Al Capone, Amerikaanse bendeleier (* 1899).
• 1 April – George II, koning van Griekeland (* 1890)
• 7 April – Henry Ford, Amerikaanse motorvervaardiger (* 1863).
• 12 April – C. Louis Leipoldt, Afrikaanse digter (* 1880).
• 20 April – Christiaan X van Denemarke, latere koning van Denemarke en koning van Ysland (* 1870).
• 29 April – Alex Frew, Suid-Afrika se sesde Springbokkaptein (* 1877).
• 8 Mei – Harry Gordon Selfridge, Britse kleinhandelmagnaat (* 1856).
• 12 Mei – Walter Madeley, leiersfiguur in die Suid-Afrikaanse Arbeidersparty (* 1873).
• 13 Mei – Prof. Nicolaas Johannes Brümmer, Afrikaanse skrywer, NG predikant en hoogleraar aan die Kweekskool (* 1866).
• 26 Junie – Richard Bedford Bennett, Eerste Minister van Kanada.
• 4 Oktober – Max Planck, Duitse fisikus (* 1858)
• 1 Desember – Aleister Crowley, Engelse okkultist (* 1875).
• 30 Desember – Alfred North Whitehead, Engelse filosoof, fisikus en wiskundige (* 1861).