1959

Die jaar 1959 was 'n gewone jaar wat volgens die Gregoriaanse kalender op 'n Donderdag begin het. Dit was die 59ste jaar van die 20ste eeu n.C. Soos ander gewone jare het die jaar 12 maande, 52 weke en 365 dae gehad.

Gebeure

• 1 Januarie – In Kuba word Fulgencio Batista deur Fidel Castro omvergewerp.
• 3 Januarie – Alaska word die 49ste deelstaat van die Verenigde State.
• 4 Januarie – Die Sowjet-ruimtetuig Loena 1 vlieg verby die maan.
• 9 Maart – Die wêreld se topverkoper-pop, Barbie, word vir die eerste keer in New York verkoop.
• 10 Maart – Die Tibetaanse opstand in Lhasa.
• 9 April – Nasa kondig die Mercury Sewe aan.
• 25 April – Die eerste persoon, wat nou erken word as ’n pasiënt met VIGS, word in ’n hospitaal opgeneem.
• 4 Mei – Die eerste Grammy toekennings aangekondig.
• 21 Augustus – Hawaii word die 50ste deelstaat van die Verenigde State.
• 7 Oktober – Die Sowjet-ruimtetuig Loena 3 neem die eerste foto’s van die agterkant van die maan.
• 16 November – Tydens die eerste toets van die Excelsior-projek spring Joseph Kittinger op 'n hoogte van 23 300 m uit 'n gondel.
• 30 Desember – Die USS George Washington (SSBN-598) word in diens gestel, Amerika se eerste ballistiese kernaangedrewe duikboot.

Geboortes

• 3 Februarie – Chan Santokhi, Surinaamse politikus.
• 8 Februarie – Mauricio Macri, Argentynse ingenieur, sakeman, politikus en staatspresident (sedert 2015).
• 16 Maart – Tito Mboweni, agtste Goewerneur van die Suid-Afrikaanse Reserwebank.
• 25 Maart – Fredi Nest, Afrikaanse sanger († 2015).
• 3 April – David Hyde Pierce, Amerikaanse akteur.
• 15 April – Emma Thompson, Britse akteur.
• 4 Junie – Jannie Breedt, Suid-Afrika se een-en-veertigste Springbokkaptein.
• 9 Junie – Benny Gantz, Israelse generaal en politikus.
• 8 Julie – Tom Egeland, Noorse skrywer en joernalis.
• 26 Julie – Kevin Spacey, 'n Amerikaanse akteur.
• 31 Julie – Andrew Marr, Britse joernalis, tv-aanbieder en politieke kommentator.
• 9 Augustus – Michael Kors, Amerikaanse modeontwerper.
• 29 Augustus – Eddi Reader, Skotse sangeres en liedjieskryfster.
• 9 Oktober – Boris Nemtsof, Russiese wetenskaplike, staatsman en liberale politikus († 2015).
• 28 Oktober – Lawrence Scarpa, Amerikaanse argitek.
• 10 November – Marthinus van Schalkwyk, Suid-Afrikaanse politikus (minister van toerisme).
• 22 Desember – Johann de Lange, Afrikaanse digter.

Sterftes

• 29 Januarie – Pauline Janet Smith, Suid-Afrikaanse skryfster (* 1882).
• 7 Februarie – Daniël François Malan, politikus en staatsman, Eerste Minister van Suid-Afrika (* 1874).
• 9 April – Frank Lloyd Wright, Amerikaanse argitek (* 1867).
• 23 April – Dr. Colin Steyn, Suid-Afrikaanse regsgeleerde, kabinetsminister en laaste Vrystaatse Volksraadslid van die Verenigde Party (* 1887).
• 16 Mei – Elisha Scott, Noord-Ierse sokkerdoelwagter en afrigter (* 1894).
• 11 Oktober – Oswald Pirow, Suid-Afrikaanse politikus en regsgeleerde (* 1890).
• 18 Oktober – Casparus de Wet, Gereformeerde predikant, hoogleraar en skrywer (* 1887).
• 29 Oktober – Edith Clarke, 'n Amerikaner en die eerste vroulike elektriese ingenieur (* 1883).
• 25 November – E.G. Jansen, Suid-Afrikaanse politikus en agste Goewerneur-generaal van Suid-Afrika (1951–1959) (* 1881).
• 15 Desember – Dr. Louis Viljoen Rex, predikant in die Nederduitse Gereformeerde Kerk en ten tyde van sy dood actuarius van die Sinode van die Suidstreek van Transvaal, later die Sinode Hoëveld (* 1907).
• 29 Desember – Leila Reitz, eerste vrou in Suid-Afrika se Volksraad (* 1887).