(528219) 2008 KV42

in Wikipedia, die vrye ensiklopedie
(Aangestuur vanaf 2008 KV42)
Jump to navigation Jump to search

2008 KV42   
Ontdekking
Ontdek deur Brett J. Gladman,
John J. Kavelaars,
Jean-Marc Petit
Datum 31 Mei 2008
Alternatiewe nameDrac
Kleinplaneet-kategorie Trans-Neptunus-voorwerp
Sentour
Wentelbaaneienskappe[1]
Afelium 61,591 AE
(9 213 Gm)
Perihelium 21,108 AE
(3 157 Gm)
Semihoofas 41,349 AE
(6 186 Gm)
Wentelperiode 265,90 jaar
Gem. omwentelingspoed 4,06 km/s
Gem. anomalie 333,09°
Hellingshoek 103,45°
Fisiese eienskappe
Afmetings 50[2]–90 km[3]
Temperatuur ~41 K
Skynmagnitude 23,4
Absolute magnitude 8,8

2008 KV42 (met die bynaam Drac) is die eerste Trans-Neptunus-voorwerp (TNV) met ’n retrograde wentelbaan wat ontdek is. Sy helling van 103° en sy retrograde beweging dui daarop dat dit die vermiste skakel is tussen sy bron in die Hills-wolk en Halley-tipe komete. Dit is dus belangrik vir ’n groter insig in die evolusie van die buitenste Sonnestelsel. Die voorwerp is nie breër as 90 km nie. Met ’n semi-hoofas van 41 AE duur dit 266 jaar om om die Son te wentel.

Die ontdekking is op 16 Julie 2008 aangekondig deur die span van die Canada France Ecliptic Plane Survey onder Brett Gladman.[4] ’n Amptelike naam is nie daaraan gegee nie; die bynaam "Drac" is na aanleiding van Dracula se vermoë om teen mure te loop. [5]

Wentelbaan[wysig | wysig bron]

2008 KV42 is die eerste TNV met ’n retrograde wentelbaan wat ontdek is – terwyl dit 32 AE van die Son af was. Dit het ’n perihelion van rofweg Uranus se afstand.[6] Met sy helling van 103º is die wentelbaan amper loodreg op die sonnebaan; dit was in Julie 2014 net een van vyf voorwerpe bekend wat ’n helling van > 60° en ’n perihelion > 15 AE gehad het.[7][8]

Sy ongewone wentelbaan beteken 2008 KV42 het dalk van moontlik die Hills-wolk af nader aan die Son beweeg nadat dit deur ’n onbekende swaartekraginvloed versteur is. Sy ontdekking dui dalk die bronstreek aan vir Halley-tipe komete, wat ook ’n retrograde wentelbaan het, maar hul oorsprong is steeds onbekend. Daar word geglo 2008 KV42 is self in ’n oorgangstadium na ’n komeet, en dit werp lig op die vorming en evolusie van die buitenste Sonnestelsel.[2][9]

Die voorwerp kan ook nog ’n bewys wees van die bestaan van Planeet Nege.[10] Wanneer sentoure te na aan reuseplanete kom, kan ’n wentelbaan soos dié van 2008 KV42 veroorsaak word.[11]

Verwysings[wysig | wysig bron]

  1. "JPL Small-Body Database Browser: (2008 KV42)" (last observation: 2013-10-06; arc: 5.35 yr). Jet Propulsion Laboratory. Besoek op 2016-01-30.
  2. 2,0 2,1 "Discovery of the retrograde trans-neptunian object 2008 KV42". cfeps.net. Canada France Ecliptic Plane Survey. 2008. Besoek op 23 Julie 2014.
  3. "Absolute Magnitude (H)". Nasa/JPL. Geargiveer vanaf die oorspronklike op 17 Desember 2009. Besoek op 2009-12-21.
  4. Hecht, Jeff (5 September 2008). "Distant object found orbiting Sun backwards". newscientist.com. New Scientist. Besoek op 23 Julie 2014.
  5. O'Neill, Ian (5 September 2008). "Kuiper Belt Object Travelling the Wrong-Way in a One-Way Solar System". universetoday.com. Universe Today. Besoek op 24 Julie 2014.
  6. "A Retrograde TNO : 2008 KV42". cfeps.net. Canada France Ecliptic Plane Survey. 2008. Besoek op 23 Julie 2014.
  7. "JPL Small-Body Database Search Engine: i > 60 (deg) and q > 15 (AU)". JPL Solar System Dynamics. Besoek op 2013-05-29.
  8. "MPC list of q>15 and i>60 (HiHq objects)". IAU Minor Planet Center.
  9. "Announcements – International Team of Astronomers Finds Missing Link". nrc.cnrc.gc.ca. National Research Council. September 4, 2008. Besoek op 26 Julie 2014.
  10. (20 Januarie 2016) “Evidence for a distant giant planet in the Solar system”. The Astronomical Journal 151 (2): 22. doi:10.3847/0004-6256/151/2/22.
  11. Brown, Mike (2016-02-12). "Why I believe in Planet Nine". FindPlanetNine.com.

Eksterne skakels[wysig | wysig bron]