2022 Golden Globe-wedvaart

in Wikipedia, die vrye ensiklopedie
2022 Golden Globe-wedvaart
Weergawe 3de
Lokaal Les Sables-d'Olonne
Begin datum 4 September 2022
Seiljagte 'Retro' veselglas 32-36vt
Sleutel mense
Don McIntyre, wedvaartvoorsitter
Sébastien Delasnerie, wedvaartdirekteur
Mededingers 16
1ste plek, goue medaljewenner(s) Goud Kirsten Neuschäfer[1]
2de plek, silwer medaljewenner(s) Silwer Abhilash Tomy[2]


Die 2022 Golden Globe-wedvaart is die derde weergawe van die oorspronklike Sunday Times Golden Globe-wedvaart. Die wedvaart, ’n solo-om-die-wêreld-seilwedvaart, het op 4 September 2022 by Les Sables-d'Olonne in Frankryk begin. Dit was soortgelyk aan die 2018-vaart, met die solo-skippers wat in Gijón (Spanje) bymekaargekom het vir die SITraN-proloog op 14 Augustus 2022. Hierna het hulle na Les Sables-d'Olonne geseil vir die GGR Race Village, wat op 21 August 2022 geopen het.[3]

Die wedvaart is deur die Suid-Afrikaner Kirsten Neuschäfer gewen, wat op 27 April 2023 na Les Sables-d'Olonne teruggekeer het, na 'n amptelike tyd van 233 dae, 20 uur, 43 minute en 47 sekondes ter see, ongeveer een dag voor haar naaste teenstander.[4][1]

"Retro"-seil[wysig | wysig bron]

Soos met die 2018 Golden Globe-wedvaart, was die deelnemers beperk tot soortgelyke seiljagte en toerusting as wat beskikbaar was vir Sir Robin Knox-Johnston, die wenner van die oorspronklike wedvaart in 1968–69. Dit beteken om te vaar sonder die gebruik van moderne tegnologie soos satellietgebaseerde navigasiehulpmiddels.[5] Veiligheidstoerusting soos EPIRBs ('n stelsel van noodradiobakens) en outomatiese identifikasiestelsels is gedra, maar die mededingers is slegs toegelaat om die tegnologie in 'n noodgeval te gebruik.[6]

Deelnemers kon aansoek doen om hul klas boot te laat goedkeur, mits dit aan die volgende reëls voldoen:[6]

  • Gemaak van veselversterkte plastiek
  • Ontwerp voor 1988, met 'n minimum aantal van 20 seiljagte wat volgens een vorm gebou is
  • Beskik oor 'n romplengte van tussen 9,8 en 11,0 meter. Boegspriete, windwaaiers en buiteboord-roere en ander aanhangsels word nie gemeet nie
  • Het 'n vollengte kiel met roere aan die agterrand
  • ’n Minimum ontwerpverplasing van 6 200 kilogram

Roete[wysig | wysig bron]

Die wedvaart het op 4 September 2022 in Les Sables-d'Olonne begin, en 'n roete ooswaarts om die wêreld gevolg. Dit het aangedoen by Kaap die Goeie Hoop, Kaap Leeuwin en Kaap Hoorn. Daar was vier "filmhekke" langs die roete - Lanzarote, Kaapstad, Hobart en Punta del Este - waar die skippers onderhoude kon voer terwyl hulle sonder om te stop verbyvaar en waar hulle films en briewe oorhandig het.[3]

Deelnemers[wysig | wysig bron]

Die volgende 16 skippers het die wedvaart begin:[7]

Seilvaarder Seiljag Tipe
1 Vlag van Frankryk Arnaud Gaist Feï of Shanghaï Barbican 33 MKII (Langkielweergawe)
2 Vlag van Frankryk Damien Guillou PRB Rustler 36
3 Vlag van Indië Abhilash Tomy Bayanat[8] Rustler 36
4 Vlag van Kanada Edward Walentynowicz Noah's Jest Rustler 36
5 Vlag van Verenigde State van Amerika Elliott Smith Second Wind GaleForce 34
6 Vlag van Verenigde Koninkryk Ertan Beskardes Lazy Otter Rustler 36
7 Vlag van Verenigde State van Amerika Guy deBoer Spirit Tashiba 36
8 Vlag van Verenigde Koninkryk Guy Waites Sagarmatha Tradewind 35
9 Vlag van Verenigde Koninkryk Ian Herbert-Jones Puffin Tradewind 35
10 Vlag van Suid-Afrika Jeremy Bagshaw Olleanna OE32
11 Vlag van Suid-Afrika Kirsten Neuschäfer Minnehaha Cape George Cutter, CG36
12 Vlag van Australië Mark Sinclair Coconut[9] Lello 34
13 Vlag van Oostenryk Michael Guggenberger Nuri Biscay 36
14 Vlag van Republiek Ierland Pat Lawless Green Rebel[10] Saltram Saga 36
15 Vlag van Verenigde Koninkryk Simon Curwen Clara Biscay 36
16 Vlag van Finland Tapio Lehtinen Asteria Gaia 36

Die wedvaart[wysig | wysig bron]

Die wedvaart het op 4 September 2022 afgeskop, met die mededingers wat 'n rolhek tussen die seiljagte Galiana en L’Esprit d’Equipe verbysteek het. Die amptelike afsitter was Sir Robin Knox-Johnston, die wenner van die oorspronklike Golden Globe-wedvaart.[11]

Wedvaartranglys vanaf 28 April 2023:[12][2]

Mededinger Kaapstad-hek Storm Bay Tasmania-hek Kaap Hoorn Einde
Vlag van Suid-Afrika Kirsten Neuschäfer 8 November 25 Desember 15 Februarie 27 April[1]
Vlag van Indië Abhilash Tomy 10 November 27 Desember 18 Februarie 28 April[2]
Vlag van Oostenryk Michael Guggenberger 12 November 3 Januarie 26 Februarie
Chichesterklas (eenstop)
Vlag van Verenigde Koninkryk Simon Curwen [lower-alpha 1] 6 November 24 Desember 25 Februarie 27 April[14]
Vlag van Suid-Afrika Jeremy Bagshaw[lower-alpha 2] 17 November 16 Januarie 14 Maart
Uitgeval (in volgorde van onttrekking)
Mededinger Datum Besonderhede
Vlag van Kanada Edward Walentynowicz 9 September 2022 Onttrek "weens persoonlike redes".[16]
Vlag van Verenigde State van Amerika Guy de Boer 18 September 2022 Tref 'n rots noord van Fuertaventura.[17][18]
Vlag van Australië Mark Sinclair 23 September 2022 Onttrek naby Lanzarote, met verwysing na "familieredes".[19]
Vlag van Republiek Ierland Pat Lawless 9 November 2022 Onttrek, nadat hy die Kaapstad-hek bereik het, as gevolg van faling van selfstuurstelsel.[20]
Vlag van Frankryk Damien Guillou 14 November 2022 Onttrek, nadat hy die Kaapstad-hek bereik het, ook as gevolg van faling van selfstuurstelsel.[21][22]
Vlag van Verenigde Koninkryk Ertan Beskardes 16 November 2022 Onttrek in Kaapstad, verduidelik "Ek was op soek na die onbekende, en ek het dit gevind"[23]
Vlag van Finland Tapio Lehtinen 18 November 2022 Boot het in die Suidelike Indiese Oseaan gesink, skipper is deur Kirsten Neuschäfer gered.[24]
Vlag van Frankryk Arnaud Gaist 2 Desember 2022 Onttrek as gevolg van seekastaiings en tuigwerkprobleme.[25]
Vlag van Verenigde State van Amerika Elliott Smith 19 Januarie 2023 Onttrek in Australië weens sy boot se boegspriet wat gebreek het.[26]
Vlag van Verenigde Koninkryk Guy Waites 10 Februarie 2023 Onttrek in Hobart nadat hy die reddingsvlot verloor het tydens 'n stortbui (in Chichester klas sederd Kaapstad).[27]
Vlag van Verenigde Koninkryk Ian Herbert-Jones 11 April 2023 Sy boot het omgerol en die mas in die Suidelike Atlantiese Oseaan verloor (in Chichester klas sedert Kaap Hoorn).[28]

Notas[wysig | wysig bron]

  1. ↑ Stop in Puerto Low, Chile om windveer te herstel.[13]
  2. ↑ Stop in Hobart om seekastaiings te verwyder en meer water aan boord te neem.[15]

Verwysings[wysig | wysig bron]

  1. ↑ 1,0 1,1 1,2 Neuman, Scott (27 April 2023). "She went around the world in 235 days to win sailing's most grueling competition". Besoek op 28 April 2023.
  2. ↑ 2,0 2,1 2,2 Stickland, Katy (29 April 2023). "Abhilash Tomy takes second place in the 2022 Golden Globe Race". yachtingmonthly.com. Besoek op 29 April 2023.
  3. ↑ 3,0 3,1 "The Route". goldengloberace.com.
  4. ↑ "Kirsten Neuschäfer becomes first woman to win historic Golden Globe Race". CNN (in Engels). Besoek op 28 April 2023.
  5. ↑ "Stepping back to the Golden Age of solo sailing". goldengloberace.com. Besoek op 17 November 2017.
  6. ↑ 6,0 6,1 "The Rules". goldengloberace.com. Golden Globe Race. Besoek op 6 Februarie 2018.
  7. ↑ "2022 Skippers". goldengloberace.com. Besoek op 9 September 2022.
  8. ↑ "Rescued Golden Globe 2018 sailor Abhilash Tomy re-enters 2022 GGR". goldengloberace.com (in Engels (VSA)). Besoek op 28 April 2022.
  9. ↑ Captain Coconut Mark Sinclair has resumed his 2018 Golden Globe-wedvaart voyage, and will be sailing his Lello 34, Coconut solo from Australia to Les Sables d'Olonne, Katy Strickland, Yachting Monthly, 2021-12-07, accessed 2021-12-28
  10. ↑ "Pat Lawless GGR Solo Sailor". patlawless.com.
  11. ↑ "High emotion as the 2022 Golden Globe Race sets off around the world". goldengloberace.com. 4 September 2022.
  12. ↑ "Golden Globe Race – Day 233". goldengloberace.com. 26 April 2023.
  13. ↑ "Kirsten Neuschäfer takes lead in Gruelling Golden Globe". goldengloberace.com. 31 Januarie 2023.
  14. ↑ Stickland, Katy (27 April 2023). "Kirsten Neuschafer wins 2022 Golden Globe Race and makes history". yachtingmonthly.com. Besoek op 28 April 2023.
  15. ↑ "Golden Globe Race – Day 133". goldengloberace.com. 16 Januarie 2023.
  16. ↑ "GGR 2022: Damien back in the race; one skipper retires". yachtingmonthly.com. 10 September 2022. Besoek op 11 September 2022.
  17. ↑ ""It was a bad decision by the skipper": Guy de Boer on the grounding which ended his Golden Globe Race". yachtingmonthly.com. Future Publishing Limited. 21 September 2022. Besoek op 22 September 2022.
  18. ↑ "GGR. Le concurrent Guy de Boer fait naufrage aux Canaries. En sécurité, il va devoir abandonner". voilesetvoiliers.ouest-france.fr (in Frans). 18 September 2022. Besoek op 18 September 2022.
  19. ↑ "GGR skipper Mark Sinclair retires: 13 left in the race". yachtingmonthly.com. Future Publishing Limited. 23 September 2022. Besoek op 24 September 2022.
  20. ↑ "Pat Lawless's Golden Globe Race Ends in Capetown". afloat.ie. Afloat Magazine. 9 November 2022. Besoek op 10 November 2022.
  21. ↑ "Golden Globe Race: 'It was a no brainer to stop after my self-steering broke'". yachtingmonthly.com. 14 November 2022.
  22. ↑ "After Golden Globe Leaders Retire, the Fleet Pushes into the Southern Ocean". livesaildie.com. Live Sail Die Limited. 16 November 2022. Besoek op 16 November 2022.
  23. ↑ "Golden Globe Race – Day 73". goldengloberace.com. 16 November 2022.
  24. ↑ "Successful Southern Ocean rescue, Golden Globe sailor Tapio Lehtinen". goldengloberace.com. 19 November 2022.
  25. ↑ "Golden Globe Race – Day 89". goldengloberace.com. 2 Desember 2022.
  26. ↑ "Golden Globe Race – Day 136". goldengloberace.com. 19 Januarie 2023.
  27. ↑ "STORM ALERT! Golden Globe Race leaders face a big one". goldengloberace.com. 7 Februarie 2023.
  28. ↑ "Day 219: Ian Herbert Jones RESCUED, safe onboard Taiwan flagged F/V Zi Da Wang". goldengloberace.com. 11 April 2023.

Eksterne skakels[wysig | wysig bron]

Ontsluit van "https://af.wikipedia.org/w/index.php?title=2022_Golden_Globe-wedvaart&oldid=2573674"