2025 anti-regeringbetogings in Turkye

Die 2025 anti-regeringbetogings in Turkye is 'n reeks betogings wat op 19 Maart 2025 begin het, ná Ekrem İmamoğlu, die burgemeester van Istanboel, lid van die hoofopposisieparty CHP en 'n presidentskandidaat, in detensie geplaas is en toe gearresteer is deur die Turkse owerhede. Die betogings verteenwoordig 'n beduidende opposisie en ontevredenheid van die publiek teen die burgemeester se detensie en arres en in 'n meer algemene sin, probleme soos die toenemende outoritarisme van Recep Tayyip Erdoğan se regering en die toenemende onderdrukking van vryheid van spraak in Turkye.^[1]

Die betogings is deur universiteitstudente geïnisieer en die gewelddadige reaksie van die polisie, waarin hulle pepersproei en waterkanonne gebruik het, het hulle getalle laat groei.^[2] Die spilpunt van die betogings is die stadsaal van Istanboel in die distrik Saraçhane. Sosiale media het 'n groot rol gespeel in die verspreiding van inligting van die betogings as gevolg van die sensuur op die hoofstroommedia deur die regering.^[3]^[4]^[5] Baie mense van verskillende politiese groepe en ideologieë het die betogings aangesluit soos sosialiste, Kemaliste, Turkse nasionaliste, ens.

Sovêr is meer as 1500 mense in detensie geplaas en meer as 200 mense is gearresteer.^[6]

Agtergrond

Ekrem İmamoğlu, 'n 54-jarige politikus, is sedert 2019 die burgemeester van Istanboel. Hy het beduidende oorwinnings behaal teen die kandidate van Erdoğan se AKP-party in die 2019 en 2024 plaaslike verkiesings. Hierdie oorwinnings, veral die 2024 plaaslike verkiesing, waarin CHP die meeste stemme in Turkye gekry het, was die regering se swaarste nederlaag tot hede en was algemeen geïnterpreteer as 'n uitdaging vir Erdoğan se bewind.^[7]

In die maande voor sy arres, het İmamoğlu sy kritiek teen Erdoğan en sy regering verskerp. As gevolg daarvan is daar verskeie regstappe teen hom geneem. Op 19 Maart 2025 is hy in detensie geplaas weens bewerings van korrupsie en dat hy aan die Koerdistan-Arbeidersparty (PKK), wat deur Turkye as 'n terreurgroep beskou word, bystand verleen het. Op dieselfde dag is byna 100 mense, insluitend sakemense en joernaliste, ook beskuldig van beweerde kriminele aktiwiteite wat met kontrakte van die Munisipaliteit van Istanboel verband hou, en in detensie geplaas.^[1]

Verwysings

[:0-1] 1,0 ^1,1 https://www.reuters.com/world/middle-east/protesters-say-istanbul-mayor-detention-is-blow-democracy-2025-03-19/

[2] ttps://www.nytimes.com/video/world/middleeast/100000010061809/turkey-istanbul-mayor-arrest.html

[3] ttps://halktv.com.tr/siyaset/ozgur-ozel-medya-sansurune-karsi-boykot-uyarisi-923508h

[4] ttps://www.bodrumgundem.com/2025/03/23/turk-basini-hic-bu-kadar-teslim-olmamisti/

[5] ttps://www.birgun.net/haber/ozgur-ozel-merkez-medyayi-elestirdigi-sirada-ntv-yayini-kesti-609342

[6] ttps://www.instagram.com/p/DHon3HkuB8B/

[7] ttps://www.bbc.com/news/articles/c4g0ylrmy1yo

[1]

[2]

[3]

[4]

[5]

[6]

[7]