41 – Na jare van misbruik vermoor Cassius Chaerea en die ontevrede Pretoriaanse Garde Romeinse keiser Gaius Julius Caesar Germanicus, beter bekend as Caligula, en sy jong gesin op wreedaardige wyse. Sy oom Claudius word as keiser in sy plek verklaar.
1639 – Jürg Jenatsch, die leier van Graubünden word in Chur deur die seuns van Pompejus von Planta vermoor.
1656 – Eerste Villmergse-oorlog: 7 500 man uit die Protestantse Bern word in die Slag van Villmergen deur 5000 man van die katolieke lede van die Switserse Bondgenootskap oorwin.
1842 – Pous Gregorius XVI stel Friedrich Johannes Jacob Celestin von Schwarzenberg, aartsbiskop van Salzburg en Cosimo Corsi, dekaan van Roomse Rota, aan as kardinale.
1848 – James W. Marshall ontdek goud by Sutter's Mill in Coloma, Kalifornië, wat lei tot die Kaliforniese Goudstormloop.
1960 – Nege polisielede word vermoor deur 'n gepeupel by Cato Manor in Natal.
1984 – Die eerste Apple Macintosh verskyn op die winkelrakke, soos twee dae te vore op televisie geadverteer tydens die Super Bowl XVIII.
2005 – Dit word bekend dat 40 lede van die Suid-Afrikaanse parlement aangekla gaan word van bedrog vir die onwettige gebruik van parlementêre reiskoepons ter waarde van R17,5 miljoen.