25 Oktober

25 Oktober is die 298ste dag van die jaar in die Gregoriaanse kalender (299ste in skrikkeljare). Daar volg nog 67 dae in die res van die jaar.

Gebeure

Slag van Agincourt

Aanslag deur die Ligte Brigade

• 1241 – Pous Celestinus IV volg Pous Gregorius IX op.
• 1415 – Honderdjarige Oorlog: Hendrik V van Engeland en sy lig gepantserde infanterie en boogskutters verslaan die swaar gepantserde Franse kavallerie tydens die Slag van Agincourt.
• 1671 – Giovanni Cassini ontdek met Iapetus die derde grootste maan van die planeet Saturnus.
• 1854 – Stormloop van die Ligte Brigade: Lord Cardigan lei sy kavallerie in 'n rampspoedige stormloop in die Slag van Balaclava tydens die Krimoorlog.
• 1913 – Die Gereformeerde kerk Burgersdorp neem sy nuwe kerkgebou in gebruik.
• 1944 – Tweede Wêreldoorlog: Die Slag van Leyte Golf verseker die nederlaag van die Keiserlike Japannese Vloot in die Stille-oseaanoorlog.
• 1944 – Die NG gemeente Tafelberg stig af van die NG gemeente Tamboerskloof.
• 1945 – Die voormalige Japannese kolonie Taiwan word weer deel van die Republiek van Sjina.
• 1971 – Die Volksrepubliek van Sjina vervang die Republiek van Sjina (Taiwan) as Sjina se verteenwoordiger en permanente lid in die Verenigde Nasies.
• 1983 – Operasie Urgent Fury: Die Verenigde State en Karibiese bondgenote val Grenada binne ses dae nadat Bernard Coard bevel oorgeneem het in 'n gewelddadige staatsgreep.
• 2001 – Windows XP, die nuutste weergawe van Microsoft se Windows bedryfstelsel word vrygestel.

Geboortes

• 1853 – Sydney Charles Buxton, Britse politikus en tweede Goewerneur-generaal van Suid-Afrika (1914–1920) († 1934).
• 1881 – Pablo Picasso, Spaanse skilder († 1973).
• 1955 – Louis Krüger, Afrikaanse skrywer.

Sterftes

• 625 – Pous Bonifatius V, die 69ste pous van die Rooms-Katolieke Kerk (* onbekend).
• 1154 – Stefanus, koning van Engeland (* 1096).
• 1400 – Geoffrey Chaucer, Engelse digter (* 1343).
• 1495 – Johan II, koning van Portugal (* 1455).
• 1918 – Dr. Tobie Muller, NG predikant en Afrikaanse taalstryder (* 1884).
• 1760 – George II, koning van Groot-Brittanje (* 1683).
• 1991 – Louis le Grange, Suid-Afrikaanse politikus, kabinetsminister en lid van die Nasionale Party (* 1928).
• 2007 – Patrick Mynhardt, Suid-Afrikaanse film- en teaterakteur (* 1932).

Vakansies, vierings, en waarnemingsdae

• Feesdag van Pous Bonifatius I in die Rooms-Katolieke Kerk.