2P/Encke
 | |
| Ontdekking | |
|---|---|
| Ontdek deur: | Pierre Méchain; Johann Franz Encke (van sy wentelperiode) |
| Ontdekkingsdatum: | 17 Januarie 1786[1] |
| Wenteleienskappe | |
| Epog: | 13 September 2023[1] |
| Afelium: | 4,098 AE |
| Perihelium: | 0,33960 AE |
| Halwe lengteas: | 2,2187 AE |
| Eksentrisiteit: | 0,8469 |
| Baanhelling: | 11,34° |
| Laaste perihelium: | 22 Oktober 2023[2] |
| Volgende perihelium (voorspel): | 9 Februarie 2027 |
Komeet Encke, of Encke se Komeet (amptelik 2P/Encke), is 'n periodieke komeet wat elke 3,3 jaar om die Son beweeg. Dit is die kortste periode van 'n redelik helder komeet; die dowwe hoofgordel-asteroïed 311P/PanSTARRS het 'n periode van 3,2 jaar. Encke is op 17 Januarie 1786 die eerste keer deur Pierre Méchain waargeneem,[3] maar dit is eers in 1819 as 'n periodieke komeet erken nadat Johann Franz Encke sy wentelbaan bereken het. Nes Halley se Komeet, is die liggaam ongewoon omdat dit na die berekenaar van sy wentelbaan genoem is en nie na sy ontdekker nie. Nes die meeste ander komete het dit 'n baie lae albedo: net 4,6%. Die deursnee van die komeet is 4,8 km.[1]
Wentelbaan
[wysig | wysig bron]Vanweë Encke se kort wentelperiode van drie jaar, word sy wentelbaan dikwels deur die binneplanete versteur.[1] Dit is tans naby 'n baanresonansie van 7:2 met Jupiter, en dit is moontlik dat fragmente wat die komeet afwerp of deur 'n ander voorwerp losgemaak word, in die resonansie vasgevang is.[4]
Encke se wentelbaan kom tot 0,173 AE (25,9 miljoen km) aan die Aarde.[1] Op 4 Julie 1997 het dit 0,19 AE van die Aarde af verbybeweeg en op 29 Junie 2172 sal dit tot sowat 0,1735 AE aan die Aarde kom.[1] Op 18 November 2013 is dit 0,02496 AE (3,734 miljoen km van Mercurius af by die planeet verby.[1] Nabye afstande aan die Aarde word so elke 33 jaar bereik.
Verwysings
[wysig | wysig bron]- 1 2 3 4 5 6 7 "JPL Small-Body Database Browser: 2P/Encke". Besoek op 8 Augustus 2023.
- ↑ "Horizons Batch for 2P/Encke (90000090) on 2023-Oct-22" (Perihelion occurs when rdot flips from negative to positive). JPL Horizons. Geargiveer vanaf die oorspronklike op 15 Junie 2022. Besoek op 15 Junie 2022. (JPL#K204/20 Soln.date: 2022-May-23)
- ↑ Marsden, B.G; Sekanina, Z (Maart 1974). "Comets and nongravitational forces. VI. Periodic comet Encke 1786-1971". The Astronomical Journal. 9 (3): 413–419. Bibcode:1974AJ.....79..413M. doi:10.1086/111560. Besoek op 25 Julie 2020.
- ↑ Clark, D.; Wiegert, P.; Brown, P. G. (24 Mei 2019). "The 2019 Taurid resonant swarm: prospects for ground detection of small NEOs". Monthly Notices of the Royal Astronomical Society. 487 (1): L35 – L39. arXiv:1905.01260. Bibcode:2019MNRAS.487L..35C. doi:10.1093/mnrasl/slz076.
Skakels
[wysig | wysig bron]
Hierdie artikel is in sy geheel of gedeeltelik uit die Engelse Wikipedia vertaal.
| Nasionaal | |
|---|---|
| Ander | |
