52246 Donaldjohanson
 Donaldjohanson, soos op 20 April 2025 afgeneem deur die ruimtetuig Lucy. | |
| Ontdekking[1] | |
|---|---|
| Ontdek deur | S.J. Bus |
| Datum | 2 Maart 1981 |
| Plek van ontdekking | Siding Spring-sterrewag |
| Kleinplaneet-benaming | (52246) Donaldjohanson |
| Alternatiewe name | 1981 EQ5 · 1998 YF26 |
| Kleinplaneet-kategorie | Hoofasteroïedgordel |
| Etimologie | Genoem na Donald Johanson (paleoantropoloog) |
| Wentelbaaneienskappe[2] | |
| Epog 25 Februarie 2023 | |
| Afelium | 2,830 AE |
| Perihelium | 1,936 AE |
| Halwe lengteas | 2,383 AE |
| Wentelperiode | 1 343 dae |
| Gem. anomalie | 186,269° |
| Baanhelling | 4,424° |
| Lengteligging van stygende nodus | 262,809° |
| Periheliumhoek | 213,016° |
Fisiese eienskappe |
|
| Afmetings | 8 km × 3,5 km[3] |
| Rotasieperiode | 251±1 uur[4] |
| Spektraaltipe: | C [5] |
| Absolute magnitude | 15,69[2] |
52246 Donaldjohanson (voorlopige naam 1981 EQ5) is 'n koolstofhoudende asteroïed van die binnestreke van die asteroïedgordel. Dit is sowat 8 km lank en 3,5 km by sy breedste punt. Dit is op 2 Maart 1981 by die Siding Spring-sterrewag in Australië ontdek deur die sterrekundige Schelte Bus. Die C-tipe asteroïed was die tweede teiken van die ruimtetuig Lucy, met die tuig wat op 20 April 2025 sowat 960 km van die oppervlak af verbygevlieg het. Dit het onthul die asteroïed is 'n kontakdubbelvoorwerp.[6] Dit is genoem na die Amerikaanse paleoantropoloog Donald Johanson, die ontdekker van die Australopithecus-fossiel Lucy.[1]
Lucy · Son · Aarde · 52246 Donaldjohanson · 3548 Eurybates ·
21900 Orus · 617 Patroclus
Wentelbaan en klassifikasie
[wysig | wysig bron]Donaldjohanson is lid van die Erigone-familie,[5][7] 'n groot, koolstofhoudende familie asteroïede van nagenoeg 2 000 bekende lede wat genoem is na die moederliggaam, 163 Erigone.[8] Dit is 'n relatief ou familie wat geskep is deur 'n asteroïedbotsing sowat 150 miljoen jaar gelede. Dus is Donaldjohanson waarskynlik net so oud.[9]
Dit wentel in die binneste asteroïedgordel om die Son, op 'n afstand van sowat 1,9-2,8 AE, een keer elke drie jaar en agt maande (1 345 dae; halwe lengteas van 2,38 AE). Sy wentelbaan het 'n eksentrisiteit van 0,19 en 'n baanhelling van 4° met betrekking tot die sonnebaan.[2]
Fisiese eienskappe
[wysig | wysig bron]
Donaldjohanson word gekarakteriseer as 'n kooolstofhoudende C-tipe asteroïed,[5] nes die ander lede van die Erigone-familie.[8]:23 Dit het 'n absolute magnitude van 15,5.[2]
Ligkurwe
[wysig | wysig bron]Fotometriese waarnemings van Donaldjohanson in Augustus 2020 het onthul dit roteer stadig met 'n buitengewone hoë ligkurwe-amplitude van 1,0[9] tot 1,7 magnitude.[10][4] Die ligkurwe dui daarop dat Donaldjohanson óf 'n baie lang voorwerp óf 'n kontakdubbelvoorwerp is.[10] Sy rotasieperiode is sowat 252 uur.[11]
Deursnee en albedo
[wysig | wysig bron]Volgens die opname deur Nasa se Wide-field Infrared Survey Explorer is Donaldjohanson 3,895 km breed en sy oppervlak het 'n albedo van 0,103.[12] Die ruimtetuig Lucy het bereken die asteroïed is baie groter as wat voorspel is: sowat 8 km lank en 3,5 km by sy breedste punt.[3]
Verkenning
[wysig | wysig bron]Donaldjohanson is op 16 Oktober 2021 deur die ruimtetuig Lucy besoek. Met die verbyvlug op 20 April 2025 was die naaste afstand van die asteroïed af 960 km, teen 'n relatiewe snelheid van 13,4 km/s.[6]
Naam
[wysig | wysig bron]Die ruimtetuig Lucy is genoem na die Australopithecus Lucy en die asteroïed na Donald Johanson (gebore 1943), die mede-ontdekker van die fossiel. Die goedgekeurde naam is op 25 Desemebr 2015 deur die Kleinplaneetsentrum gepubliseer.[1][13]
Verwysings
[wysig | wysig bron]- 1 2 3 "52246 Donaldjohanson (1981 EQ5)". Minor Planet Center. Besoek op 28 April 2018.
- 1 2 3 4 "JPL Small-Body Database Browser: 52246 Donaldjohanson (1981 EQ5)" (2017-01-29 last obs.). Jet Propulsion Laboratory. Besoek op 28 April 2018.
- 1 2 Kretke, Katherine (21 April 2025). "NASA's Lucy Spacecraft Images Asteroid Donaldjohanson". NASA. Besoek op 21 April 2025.
- 1 2 Levison, Harold F.; Olkin, Catherine B.; Noll, Keith S.; Marchi, Simone; Bell III, James F.; Bierhaus, Edward; et al. (Oktober 2021). "Lucy Mission to the Trojan Asteroids: Science Goals". The Planetary Science Journal. 2 (5): 13. Bibcode:2021PSJ.....2..171L. doi:10.3847/PSJ/abf840. hdl:1721.1/147983.
- 1 2 3 Levison, H. F.; Olkin, C.; Noll, K. S.; Marchi, S.; Lucy Team (Maart 2017). "Lucy: Surveying the Diversity of the Trojan Asteroids: The Fossils of Planet Formation" (PDF). 48th Lunar and Planetary Science Conference (1964): 2025. Bibcode:2017LPI....48.2025L. Besoek op 13 April 2017.
- 1 2 "NASA's Lucy Spacecraft Takes Its 1st Images of Asteroid Donaldjohanson". NASA. 25 Februarie 2025. Besoek op 26 Februarie 2025.
- ↑ "Asteroid 52246 Donaldjohanson – Nesvorny HCM Asteroid Families V3.0". Small Bodies Data Ferret. Geargiveer vanaf die oorspronklike op 15 September 2020. Besoek op 27 Oktober 2019.
- 1 2 Nesvorný, D.; Broz, M.; Carruba, V. (Desember 2014). "Identification and Dynamical Properties of Asteroid Families". Asteroids IV. pp. 297–321. arXiv:1502.01628. Bibcode:2015aste.book..297N. doi:10.2458/azu_uapress_9780816532131-ch016. ISBN 9780816532131. S2CID 119280014.
- 1 2 Marchi, Simone; Vokrouhlický, David; Nesvorný, David; Bottke, William F.; Ďurech, Josef; Levison, Harold F. (Maart 2025). "A Pre-flyby View on the Origin of Asteroid Donaldjohanson, a Target of the NASA Lucy Mission". The Planetary Science Journal. 6 (3): 19. arXiv:2503.14148. Bibcode:2025PSJ.....6...59M. doi:10.3847/PSJ/adb4f4. 59.
- 1 2 Noll, Keith (4 Desember 2020). "Is the Lucy Mission Target (52246) Donaldjohanson a Binary?" (HST Proposal 16452). Mikulski Archive for Space Telescopes. Besoek op 28 September 2021.
- ↑ (October 2021) "Rotation period determination of NASA Lucy mission target (52246) Donaldjohanson" in 53rd Annual DPS Meeting., American Astronomical Society. 1226. Geargiveer 29 September 2021 op Wayback Machine
- ↑ Masiero, Joseph R.; Mainzer, A. K.; Grav, T.; Bauer, J. M.; Cutri, R. M.; Dailey, J.; et al. (November 2011). "Main Belt Asteroids with WISE/NEOWISE. I. Preliminary Albedos and Diameters". The Astrophysical Journal. 741 (2): 20. arXiv:1109.4096. Bibcode:2011ApJ...741...68M. doi:10.1088/0004-637X/741/2/68. S2CID 118745497.
- ↑ "MPC/MPO/MPS Archive". Minor Planet Center. Besoek op 28 April 2018.
Skakels
[wysig | wysig bron]- Dictionary of Minor Planet Names, Google books
- Discovery Circumstances: Numbered Minor Planets (50001)-(55000) – Kleinplaneetsentrum
Hierdie artikel is in sy geheel of gedeeltelik uit die Engelse Wikipedia vertaal.
