55P/Tempel-Tuttle
 | |
| Ontdekking | |
|---|---|
| Ontdek deur: | Wilhelm Tempel en Horace Parnell Tuttle |
| Ontdekkingsdatum: | 19 Desember 1865 |
| Alternatiewe name: | 1699 II; 1866 I; 1965 IV; 1965i |
| Wenteleienskappe | |
| Epog: | 14 Mei 2031 (JD 2463000,5) |
| Afelium: | 19,96 AE |
| Perihelium: | 0,9644 AE |
| Halwe lengteas: | 10,46 AE |
| Eksentrisiteit: | 0,9078 |
| Wentelperiode: | 33,83 jaar |
| Baanhelling: | 162,57° |
| Laaste perihelium: | 28 Februarie 1998[1] |
| Volgende perihelium (voorspel): | 20 Mei 2031[2][3][1][4] |
55P/Tempel-Tuttle (algemeen bekend as Komeet Tempel-Tuttle) is 'n retrograde, periodieke komeet met 'n wentelperiode van 33 jaar. Dit pas by die definisie van 'n Halley-tipe komeet met 'n wentelperiode van tussen 20 en 200 jaar. Dit is onafhanklik op 19 Desember 1865 deur Wilhelm Tempel en op 6 Januarie 1866 deur Horace Parnell Tuttle ontdek. Die komeet is die moederliggaan van die Leonide-meteoorreën.
Kenmerke
[wysig | wysig bron]Die kern van die komeet is tydens die 1998-verskyning deur die Hubble-ruimteteleskoop waargeneem en daar is geraam dit het 'n albedo van 0,04. Die deursnee van die kern is na raming 1,8 km.[5] Die kern het 'n rooierige kleur.[6] 'n Straal materiaal is uit die kern waargeneem, en geskoei op sy beweging, is bereken die rotasieperiode is 15,31 ± 0,03 en 14,79 ± 0,02 uur.[7]
Daar is ook bereken die komeet is gasryk in vergelyking met Halley se Komeet.[8] Die infrarooi spektrum van die komeet stem baie ooreen met dié van 'n swartstraler met 'n temperatuur van 330 K en dit het 'n gebrek aan die silikaatuitstralings wat in ander komete waargeneem word.[9]
Wentelbaan
[wysig | wysig bron]55P/Tempel-Tuttle se retrograde wentelbaan veroorsaak dat meteore die Aarde teen 'n hoë snelheid van 70 km/s tref. Die wentelbaan kruis dié van die Aarde amper presies, en daarom hoef strome materiaal wat uit die komeet geskiet word, nie oor tyd baie uit te sprei om die Aarde te tref nie. Die komeet kom tans tot 0,008 AE (1 200 000 km) van die Aarde af.[10] Strome materiaal van verbygange uit die verlede is dus nog dig wanneer die Aarde dit teenkom, en dit lei tot die siklus van 33 jaar van die Leonides. So is die meteoorreën van 1833 byvoorbeeld deur die vorige vebygang van 1800 veroorsaak.[11]
Verwysings
[wysig | wysig bron]- 1 2 Kinoshita, Kazuo (16 September 1999). "55P/Tempel–Tuttle past, present and future orbital elements". Comet Orbit. Geargiveer vanaf die oorspronklike op 20 Mei 2011. Besoek op 6 September 2023.
- ↑ Seiichi Yoshida (12 Desember 2005). "55P/Tempel–Tuttle". Seiichi Yoshida's Comet Catalog. Besoek op 18 Februarie 2012.
- ↑ "Horizons Batch for 55P/Tempel–Tuttle (90000621) at 2031-May-20 23:45:52" (Perihelion occurs when rdot flips from negative to positive). JPL Horizons. Besoek op 26 Augustus 2023. (JPL#J985/69 Soln.date: 2002-Jan-03)
- ↑ "55P/Tempel–Tuttle Orbit". Minor Planet Center. Besoek op 16 Junie 2014.
- ↑ Lamy, P.; Znojil, V.; Biver, N. (1 Maart 1998). "Comet 55P/Tempel–Tuttle". International Astronomical Union Circular (6851): 2. ISSN 0081-0304.
- ↑ Lamy, P.; Toth, I. (Junie 2009). "The colors of cometary nuclei—Comparison with other primitive bodies of the Solar System and implications for their origin". Icarus. 201 (2): 674–713. doi:10.1016/j.icarus.2009.01.030.
- ↑ Jorda, L.; Lecacheux, J.; Colas, F.; Frappa, E.; Laques, P.; Keen, R.; Lehky, M.; Bortle, J.; O'Meara, S. J.; Kronk, G. W. (1 Januarie 1998). "Comet 55P/Tempel–Tuttle". International Astronomical Union Circular (6816): 2. ISSN 0081-0304.
- ↑ Hamane, T.; Kawakita, H.; Suzuki, B.; Yano, H.; Yoshida, Michitoshi; Watanabe, J. (1 Maart 2003). "Gas-to-dust ratio and chemical composition in comet 55P / Tempel–Tuttle". The Institute of Space and Astronautical Science Report. S.P: 17–22.
- ↑ Lynch, D (Maart 2000). "3- to 14- μm Spectroscopy of Comet 55P/Tempel–Tuttle, Parent Body of the Leonid Meteors". Icarus. 144 (1): 187–190. doi:10.1006/icar.1999.6260.
- ↑ "JPL Small-Body Database Browser: 55P/Tempel–Tuttle" (last observation: 1998-07-05). Jet Propulsion Laboratory. Geargiveer vanaf die oorspronklike op 2 Februarie 2017.
- ↑ Archive of Leonid dust trail positions in 1833
Skakels
[wysig | wysig bron]
Hierdie artikel is in sy geheel of gedeeltelik uit die Engelse Wikipedia vertaal.
