Akademie vir Dramakuns

in Wikipedia, die vrye ensiklopedie
(Aangestuur vanaf ADK)
Jump to navigation Jump to search

Die Akademie vir Dramakuns (afgekort: ADK) is 'n akademie wat spraak-en-drama-opleiding bied en diplomas aan suksesvolle studente toeken. Dit is 'n invloedryke organisasie wat verskeie Afrikaanse akteurs opgelewer het.[1] Bekende Suid-Afrikaanse akteurs, soos Deon Lotz, Wilna Snyman, Milla Louw, Annie Basson, Kristie Herbst, David Rees, Sara Louw het hulle opleiding aan die akademie ontvang.[2]

Geskiedenis[wysig | wysig bron]

Die akademie is in 1939, onder die naam Die Kunsskool, in Stellenbosch gestig. Die stigterslede was Anna Richter-Visser (bekende TV- en rolprentakteur, wat onder meer in Agter Elke Man gespeel het) en Aletta Gericke. In 1940 neem Suzanne van Wyk ('n toonaangewende regisseur van radiodramas) by Visser oor en word die organisasie na sy huidige naam hernoem.

In die 1940's het hulle na Kaapstad, Paarl en Wellington uitgebrei. Ateljees in later ook in Johannesburg en Pretoria geopen. In 1944 het prof. J.P.J. van Rensburg Die vroue van Troje uit Grieks in Afrikaans vertaal en is 'n Griekse drama die eerste keer in Afrikaans opgevoer.

Die geleidelike verskyning van dramadepartemente aan universiteite soos Stellenbosch, Pretoria, Potchefstroom en Bloemfontein het die ADK se invloed tussen 1960 en 1975 ingeperk. Hulle het egter tot in die 1980's (en daarna) 'n groot rol in die voorbereiding van akteurs gespeel.[3]

Die aftrede en afsterwe van die leidende figure in die organisasie het tot die sluiting daarvan in die Wes-Kaap gelei (dit het in Gauteng bly voortbestaan). Op 1 April 2001 is die Wes-Kaapse tak deur Elzeth Germishuys en Marinda Engelbrecht aan die Welgemoed-kunsskool (by die Laerskool Welgemoed) heropen.[3]

Verwysings[wysig | wysig bron]

  1. ESAT, besoek op 27 Desember 2015
  2. HAT Taal-en-feitegids, Pearson, Desember 2013, ISBN 978-1-77578-243-8
  3. 3,0 3,1 Akademie vir Dramakuns herleef in Kaap, Die Burger, 6 Maart 2001

Eksterne skakels[wysig | wysig bron]