AIDC F-CK-1 Ching-kuo

in Wikipedia, die vrye ensiklopedie
Jump to navigation Jump to search
AIDC F-CK-1 Ching-kuo
ROCAF AIDC F-CK-1A Ching Kuo Aoki-1.jpg
ROCAF F-CK-1A in vlug
Tipe Vegvliegtuig
Vervaardiger Aerospace Industrial Development Corporation
Nooiensvlug 28 Mei 1989
Bekendstelling Januarie 1994
Status In diens

Die AIDC F-CK-1 Ching-kuo is 'n multirolvegvliegtuig van die Taiwanese Lugmag. Dit staan ook bekend as die Indigenous Defensive Fighter (IDF). Dit is vernoem na die Taiwanese president Chiang Ching-kuo.

Die vliegtuig word in Taiwan gebou met tegniese bystand van die Amerikaanse firma General Dynamics. Dit het kenmerke soortgelyk aan die General Dynamics F-16 Fighting Falcon, tewens, dit kan beskou word as 'n kleiner weergawe van die F-16. Ontwikkeling van die vliegtuig het in 1982 begin nadat Amerika 'n wapenboikot teen Taiwan begin het om sy verhoudings met Volksrepubliek China te verbeter - Taiwan kon geen vegvliegtuie vanaf Amerika invoer nie. Maar daar was geen boikot teen tegniese ondersteuning aan Taiwan nie; die Ching-kuo is die neus van die F-20A Tigershark wat aan die romp, vlerke en stertvin van die F-16 gekoppel is. Taiwan moes hulle verouderde Northrop F-5 Freedom Fighter en Lockheed F-104 Starfighter vervang met die IDF. Die IDF versnel vinniger as die F-104 en het 'n kleiner draaisirkel as die F-5.

Die prototipe het sy nooiensvlug op 28 Mei 1989 onderneem, aflewering aan die Taiwanese Lugmag het in Januarie 1994 begin en die laaste van 130 eenhede is in Januarie 2000 afgelewer.

Tegniese besonderhede[wysig | wysig bron]

Besonderhede van die AIDC F-CK-1 Ching-kuo:
Item Statistiek
Aantal motors 2
Tipe motor Straalmotor
Vervaardiger International TFE1042-70
turbostraler met nabrander.
Kraglewering per motor 4 269 perdekrag
Vlerkspan 8,53 m
Lengte 13,26 m
Hoogte 4,65 m
Vlerkoppervlakte 24,3 m2
Normale opstygmassa 12 245 kg
Maksimum snelheid 1 295 km/h
Operasionele hoogte 16 470 m
Togafstand 965 km
Klimvermoë 15 250 m per minuut
Bewapening Een 20 mm kanon
ses hegpunte vir lug-tot-lug,
antiskeepsmissiele en -bomme.

Sien ook[wysig | wysig bron]

Bron[wysig | wysig bron]