A Midsummer Night's Dream

in Wikipedia, die vrye ensiklopedie
Spring na: navigasie, soek
Die titelbladsy van A Midsummer Night's Dream in die kwarto uitgawe van 1600

A Midsummer Night's Dream ("Midsomernagdroom") is 'n romantiese komedie deur William Shakespeare wat tydens die laat-1500's geskryf is. Die verhaal handel oor die avonture van vier Atheense minnaars en 'n groep amateur-akteurs in 'n maanverligte woud en hulle interaksies met die feetjies wat daar woon asook die Hertog van Athene. Die toneelstuk is een van Shakespeare se gewildste en word reg oor die wêreld opgevoer.

Dit is nie bekend presies wanneer A Midsummer Night's Dream geskryf of vir die eerste keer opgevoer was nie, maar op die basis van verwysings na destydse aktuele onderwerpe en 'n indirekte verwysing na Edmund Spenser se Epithalamion, word die datum tussen 1595 en 1596 geskat. Daar is voorgestel dat die toneelstuk spesifiek vir 'n aristokratiese troue geskryf is (talle sulke troues het plaasgevind in 1596), terwyl ander teorieë voorstel dat vir die destydse koningin geskryf is om die feesdag van St. John te vier, maar daar is egter geen bewyse vir enige van die bewerings nie. Hoe dit ook al mag sy, dit kan aanvaar word dat die toneelstuk by die Engelse teater The Theatre in Shoreditch, Londen opgevoer is en later by die Globe-teater.

A Midsummer Night's Dream is in Afrikaans vertaal deur Eitemal, en onder die titel "Midsomernagdroom" vir die eerste keer in 1975 uitgegee.