Aanvalle in Londen op 7 Julie 2005

Aanvalle in Londen op 7 Julie 2005
3 1 Liverpool Street Station 2 Edgware Road 3 King's Cross St Pancras/Russell Square 4 Tavistock Square
Plek	Londen, Engeland
Datum	Donderdag 7 Julie 2005 (2005-07-07) 8:49–9:47 (UTC+1)
Teiken	Publiek aan boord van Londense moltreine en 'n bus in Sentraal-Londen
Aanvaltipe	Selfmoordbomaanval, massamoord, terrorisme
Wapens	Geïmproviseerde ploftoestelle
Dood	56 (insluitend die 4 bomplanters)
Beseer	784
Oortreders	Hasib Hussain Mohammad Sidique Khan Germaine Lindsay Shehzad Tanweer
Motief	Islamitiese ekstremisme

Die aanvalle in Londen op 7 Julie 2005, ook bekend as 7/7, was 'n reeks van vier gekoördineerde selfmoordaanvalle wat deur Islamitiese terroriste uitgevoer is en wat gemik was op pendelaars wat gedurende die oggendspitstyd op Londen se openbare vervoerstelsel gereis het. Die oortreders het gesê hulle het op wreedhede teen Moslems deur die Weste gereageer.

Drie terroriste het afsonderlik drie tuisgemaakte bomme kort na mekaar laat ontplof op moltreine in Binne-Londen. Later het 'n vierde terrorist nog 'n bom op 'n dubbeldekkerbus in Tavistock Square laat ontplof. Die treinontploffings het op die Circle Line naby Aldgate en by Edgware Road plaasgevind, asook op die Piccadilly Line naby Russell Square.

Afgesien van die bomplanters, is 52 mense van 18 verskillende nasionaliteite in die aanvalle dood, en byna 800 is beseer. Dit was die dodelikste terreuraanval in die VK sedert die Lockerbie-bomaanval in 1988, en die VK se eerste Islamitiese selfmoordaanval.

Die ontploffings is veroorsaak deur geïmproviseerde ploftoestelle wat van gekonsentreerde waterstofperoksied en peper gemaak is, en in rugsakke gepak is.