Aapvuisknoop

in Wikipedia, die vrye ensiklopedie
Jump to navigation Jump to search
Metode om die aapvuisknoop te maak.

Die aapvuisknoop is 'n direkte vertaling van die Engelse naam Monkey's fist knot. Hierdie knoop vorm 'n bal aan die tou se punt, waarin 'n swaar voorwerp soos 'n klip of stuk yster gesit kan word om dit gewig te gee.

Aapvuisknoop aan 'n vasmeertou.

Gebruike[wysig | wysig bron]

Hierdie knoop is op ou skepe gebruik aan die punt van die vasmeertou waarmee die boot of skip aan die kaai vasgemaak is, sodat dit vanaf 'n boot of skip na die kaai gegooi kon word. Dit het egter al vele ongelukke veroorsaak a.g.v. die onverwagte gewig aan die punt van die tou, veral beserings aan die vingers en kop.

Meer onlangse gebruike is as versiering, bv. aan die punt van 'n fluitjie of sleutelhouer se tou.

Hierdie knoop is ook 'n groot bron van vermaak vir kinders, vir wie die maak van hierdie knoop 'n besondere fasinasie inhou.

Variasies[wysig | wysig bron]

Alhoewel die Aapvuisknoop normaalweg drie windings in elk van die drie rigtings het, is daar variasies waar daar vanaf twee tot vier of meer windings kan wees.

Die eindpunt van die knoop kan lank gelos word, om sodoende 'n tweede punt te los wat by die knoop uitsteek, of dit kan voor die maak van die Aapvuisknoop met 'n Bloedknoop beïndig word. In hierdie geval word die punt van die knoop binne-in die Aapvuisknoop gelos, wat struktuur aan die knoop verleen, maar met minder gewig, wat dit 'n veiliger opsie maak, veral vir kinders.