Aardalkalimetale

in Wikipedia, die vrye ensiklopedie
Spring na: navigasie, soek
Groep 2
Periode
2 4
Be
3 12
Mg
4 20
Ca
5 38
Sr
6 56
Ba
7 88
Ra

Die aardalkalimetale (ook genaamd alkalie-aard metale) is die reeks elemente in Groep 2 (IUPAC nommer) van die periodieke tabel: berillium, magnesium, kalsium, stronsium, barium en radium (wat nie altyd as sulks beskou word nie vanweë sy baie kort halfleeftyd).

Die elemente in die groep stem met mekaar ooreen ten opsigte van hulle elektronkonfigurasie [X]ns2, waar [X] 'n edelgas verteenwoordig. Die twee elektrone in die buitenste s-subskil kan die atoom maklik verlaat en daarom vorm die alkalie-aard metale katione met 'n dubbele lading.

M => M2+ + 2 e-

Alle elemente uit die groep is onedele metale en die oksiede is basisse. Die sterkte van die M(OH)2 basis neem toe van bo na onder in die kolom. Die soute los oor die algemeen minder goed op in water as die soute van die alkalie metale, maar die oplosbaarheid is egter oor die algemeen nog redelik goed.

Die alkalie-aard metale is silwerkleuringe-, sagte-, lae digtheid metale, wat geredelik met halagene reageer om ioniese soute te vorm. Die elemente reageer ook soos die alkalie metale met water (nie heeltemal so vinnig nie) om sterk alkaliese (basiese) hidroksiede te vorm.

Die alkalieaardmetale kry hulle naam na aanleiding van hulle oksiede, die alkalie aardes, waarvan die outydse name berillia, magnesia, kalk, strontia en baryta was. Díe is alkalie aardes genoem as gevolg van hulle aard wat tussen die van die alkalies (oksiede van die alkaliemetale) en die seldsame aardes (oksiede van seldsame aardmetale). Die klassifikasie van sommige oënskynlik inerte stowwe as 'aardes' is millennia oud. Die oudste stelsel bekend wat deur die antieke Grieke gebruik is het uit vier elemente, insluitend aarde bestaan. Hierdie stelsel is later deur filosowe en alchemiste soos Aristoteles (4de eeu v.C.), Paracelsus (eerste helfte van die 16de eeu), John Becher (middel van die 17de eeu) en Georg Stahl (laat 17de eeu) verfyn, met latere kenners wat 'aarde' in drie of vier tipes verdeel het. Die besef dat 'aardes' nie elemente was nie maar verbindings word toegeskryf aan die chemikus Antoine Lavoisier. In sy Traité Élémentaire de Chimie (Elemente van Chemie) van 1789 het hy hulle Substances simples salifiables terreuses, of sout-vormende aardelemente genoem. Later het hy voorgestel dat die alkalie aardes metaaloksiede kan wees, maar het erken dat dit blote bespiegeling was. In 1808 tree Humphry Davy volgens Lavoisier se idee op en word die eerste persoon om voorbeelde van die metale te verkry deur elektrolise van hulle gesmelte soute.


Ander groepe
Alkalimetale (1)
Alkalie-aard metale (2)
Boorgroep (13)
Koolstofgroep (14)
Stikstofgroep (15)
Suurstofgroep (16)
Halogene (17)
Edelgasse (18)
Kopergroep (11)
Sinkgroep (12)
Skandiumgroep (3)
Titaangroep (4)
Vanadiumgroep (5)
Chroomgroep (6)
Mangaangroep (7)
Platinumgroep (8, 9 en 10)

Verwysings[wysig]