Abdoellah van Saoedi-Arabië
Abdoellah van Saoedi-Arabië | |
---|---|
Koning van Saoedi-Arabië Bewaarder van die twee heilige moskees | |
Abdoellah van Saoedi-Arabië in 2007
| |
Vorstehuis | Saoed |
Titels | Koning van Saoedi-Arabië Bewaarder van die twee heilige moskees |
Heerskap | 1 Augustus 2005 – 23 Januarie 2015 |
Regentskap | 2 Januarie 1996 – 1 Augustus 2005 |
Voorganger | Fahd |
Opvolger | Salman |
Volle naam | Abdoellah bin Abdoel Aziz al-Saoed |
Gebore | 1 Augustus 1924; Riaad, Nejd (tans Saoedi-Arabië) |
Oorlede | 23 Januarie 2015; Riaad, Saoedi-Arabië |
Vader | Abdoel Aziz van Saoedi-Arabië |
Moeder | Fahda Al Sjoeraim |
Godsdiens | Soenniete Islam |
Abdoellah bin Abdoel Aziz al-Saoed (Arabies: عبد الله بن عبد العزيز آل سعود 'Abd ullāh ibn ‘Abd al-‘Azīz Āl Su‘ūd) (1 Augustus 1924 – 23 Januarie 2015) was van 1 Augustus 2005 tot en met sy dood op 23 Januarie 2015 die koning van Saoedi-Arabië. Abdoellah was een van die 38 seuns van Abdoel Aziz al-Saoed, die stigter van Saoedi-Arabië. Hy het die troon na die dood van sy half-broer, koning Fahd, in 2005 bestyg. Hy was egter sedert 1995 die de facto leier van die land, nadat Fahd ’n beroerte gehad het.[1]
Abdoellah was ‘n sterk bondgenoot van die VSA in die stryd teen die Al-Kaïda-terreurgroep. Hy het hom vir die modernisering van die ultra-konserwatiewe Moslem-koninkryk beywer, onder meer deur meer geleenthede vir vroue te bewerkstellig.[2]
Abdoellah sterf op 90-jarige ouderdom aan longontsteking. Sy halfbroer, Salman bin Abdoel Aziz al-Saoed, het kom as koning opgevolg. Ná sy dood is Elizabeth II van die Verenigde Koninkryk nou die oudste monarg in die wêreld.[3]
Verwysings
- ↑ Olieprys styg na dood van Saoedi-koning, Maroela Media, 23 Januarie 2015
- ↑ Koning Abdullah bin Abdulaziz van Saoedi-Arabië oorlede, koerant.co.za, besoek op 24 Januarie 2015
- ↑ Olieprys styg na dood van Saoedi-Arabië se koning, PRAAG, 23 Januarie 2015
Eksterne skakels
- Wikimedia Commons het meer media in die kategorie Abdoellah van Saoedi-Arabië.