Abdoellah van Saoedi-Arabië
| |
| Heerskappy | 1 Augustus 2005 - 23 Januarie 2015 |
| Kroning | 2 Augustus 2005 |
| Voorganger | Fahd |
| Opvolger | Salman |
| Koningin | Verskeie |
| Kinders | Verskeie |
| Vorstehuis | Huis van Saoed |
| Vader | Abdoel Aziz al-Saoed |
| Moeder | Fahda bint Asi al-Sjoeraim |
| Gebore | 1 Augustus 1924 Riaad |
| Gesterf | 23 Januarie 2015 (op 90) Riaad |
| Begrawe | Riaad |
Abdoellah bin Abdoel Aziz al-Saoed (Arabies: عبد الله بن عبد العزيز آل سعود 'Abd ullāh ibn ‘Abd al-‘Azīz Āl Su‘ūd) (1 Augustus 1924 – 23 Januarie 2015) was van 1 Augustus 2005 tot en met sy dood op 23 Januarie 2015 die koning van Saoedi-Arabië. Abdoellah was een van die 45 seuns van Abdoel Aziz al-Saoed, die stigter van Saoedi-Arabië. Hy het die troon ná die dood van sy halfbroer Fahd in 2005 bestyg. Hy was egter sedert 1995 die de facto-leier van die land nadat Fahd ’n beroerte gehad het.[1]
Abdoellah was 'n sterk bondgenoot van die VSA in die stryd teen die terreurgroep Al-Kaïda. Hy het hom vir die modernisering van die ultrakonserwatiewe Moslemkoninkryk beywer, onder meer deur meer geleenthede vir vroue te bewerkstellig.[2]
Abdoellah is op 90-jarige ouderdom aan longontsteking dood. Sy halfbroer Salman het kom as koning opgevolg. Ná sy dood is Elizabeth II van die Verenigde Koninkryk die oudste monarg in die wêreld.[3]
Verwysings[wysig | wysig bron]
- ↑ Olieprys styg na dood van Saoedi-koning, Maroela Media, 23 Januarie 2015
- ↑ Koning Abdullah bin Abdulaziz van Saoedi-Arabië oorlede Geargiveer 4 Maart 2016 op Wayback Machine, koerant.co.za, besoek op 24 Januarie 2015
- ↑ Olieprys styg na dood van Saoedi-Arabië se koning Geargiveer 24 Maart 2015 op Wayback Machine, Praag, 23 Januarie 2015
Eksterne skakels[wysig | wysig bron]
Wikimedia Commons het meer media in die kategorie Abdoellah van Saoedi-Arabië.
