Adam LeBor

Adam LeBor
Nasionaliteit	Verenigde Koninkryk
Beroep	Skrywer, joernalis

Adam LeBor is 'n Britse outeur, joernalis, skryfafrigter en redaksionele instrukteur. Hy is gebore in Londen in 1961, en werk sedert 1991 as oorsese korrespondent. Hy het vir The Independent en The Times berig oor die val van Kommunisme en oor die joegoslawiese oorloë, en het in meer as dertig lande gewerk. Hy dra tans by tot The Economist, die Financial Times, die New York Times, Monocle en verskeie ander publikasies. Hy werk ook as 'n redaksionele instrukteur by die Financial Times, Citywire, Monocle en verskeie ander finansiële instansies, insluitende die Europese Bank vir Rekonstruksie en Ontwikkeling. Hy gee tans vir die Arvon Stigting onderrig in kreatiewe skryfwerk, met die fokus op die riller genre.

LeBor het agt nie-fiksie boeke geskryf wat kritiese lof ontvang het, insluitende Hitler's Secret Bankers; wat Switserse samespanning met die regering van die Nasionaal-Sosialistiese Duitse Arbeidersparty aan die kaak gestel het, en waarvoor hy genomineer is vir die Orwell-prys; 'n biografie van Slobodan Milosevic, en City of Oranges, 'n relaas oor Joodse en Arabiese families in Jaffa, wat op die kortlys was vir die Jewish Quarterly-prys. Hy het ses romans geskryf, insluitende District VIII en Kossuth Square, die eerste twee volumes van 'n reeks waarin die karakter Balthazar Kovacs, 'n sigeuner en speurder in die Boedapest-polisie moordafdeling, voorkom, en 'n trilogie rillers waarin die karakter Yael Azoulay, 'n voormalige Mossad agent wat werk as die geheime onderhandelaar vir die Verenigde Nasies Sekretaris Generaal, voorkom. Sy boeke is in veertien tale vertaal.

Bondige Bibliografie

Nie-fiksie werke

LeBor se eerste nie-fiksie boek, A Heart Turned East, wat in 1997 gepubliseer is, ondersoek die lewens van Moslem minderhede in Europa en die VSA.

Hitler's Secret Bankers, wat in 1997 gepubliseer is en in 1999 opgedateer is, het Switserse ekonomiese en politiese samespanning met die Duitsland van die Nasionaal-Sosialiste blootgestel en is op die kortlys vir die Orwell-prys geplaas.

Seduced By Hitler, is in 2000 gepubliseer, en Roger Boyes was die mede-outeur. Die boek ondersoek die daaglikse lewe onder die Duitsland van die Nasionaal-Sosialiste.

Milosevic: A Biography, wat in 2002 gepubliseer is roep die lewe van die voormalige Serwiese president in herinnering.

City of Oranges: Arabs and Jews in Jaffa, wat in 2006 gepubliseer was, handel met die lewens van Arabiese en Joodse famlies in Jaffa en was op die kortlys van die Jewish Quarterly Wingate Prys geplaas. Die boek was in 2017 heruitgereik deur die uitgewers Head of Zeus, met 'n omslagtige nuwe na-woord wat die stories van die families van Jaffa opdateer.

Complicity with Evil: The United Nations in the Age of Modern Genocide, wat in 2006 gepubliseer is, ondersoek die versuim van die Verenigde State om die volksmoorde in Bosnië, Rwanda en Darfoer te verhoed, met die klem op die rol van V.N. beamptes.

The Believers: How America fell for Bernard Madoff's $65 billion Investment Scam, wat in 2009 gepubliseer is, ondersoek die sielkunde agter die bedrog van Bernard Madoff.

LeBor se mees onlangse nie-fiksie werk, Tower of Basel: The Shadowy History of the Secret Bank that Runs the World, wat in 2013 gepubliseer is, is die eerste ondersoekende historie van die Bank vir Internasionale Skikkings.

LeBor was die mede-outeur van, en het Jaffa Stories, 'n dokumentêre rolprent vir die BBC aangebied, wat gebaseer was op sy boek City of Oranges.

Eksterne skakels

• Amptelike webwerf
• Daily Mail article
• The New Criterion article

Hierdie artikel is in sy geheel of gedeeltelik vanuit die Engelse Wikipedia vertaal.