Adolf-kurwe

in Wikipedia, die vrye ensiklopedie
Jump to navigation Jump to search

Die Adolf-kurwe is ‘n grafiek wat die gewildheid van ‘n sekere voornaam in ‘n bepaalde gebied of by ‘n sekere bevolkingsgroep oor ‘n vasgestelde tydperk uitbeeld. Groot nuusgebeure het dikwels tot gevolg dat die voornaam bekend en gewild raak en dit dan aan babas gegee word. ‘n Naam word weer ongewild as dit ‘n onaangename assosiasie oproep soos byvoorbeeld met ‘n ramp of ‘n moord.

Geskiedenis[wysig | wysig bron]

Die aanvanklike Adolf-kurwe gee weer hoe gewild die naam Adolf (met die betekenis “edel, soos die wolf”) was vir seuns wat tussen 1932 en 1945 in Duitssprekende gemeenskappe gebore is. Die grafiek weerspieël die politieke ontwikkeling in die tydperk, want toe die Nasionaal-Sosialisme al gewilder geword het, het die naam van Adolf Hitler aan popularitiet gewen. Skielik en vinnig het die gewildheid van die naam afgeneem soos die Tweede Wêreldoorlog gevorder het. Teenswoordig word die naam selde meer gegee.

Ongewild[wysig | wysig bron]

Ellen se gewildheid as meisienaam het vanaf 1997 afgeneem toe die Amerikaanse aktrise Ellen DeGeneres openlik verklaar dat sy lesbies is. Ook Monica het in dieselfde tyd as naam ongewilder geword toe die verhouding tussen Bill Clinton en Monica Lewinsky aan die lig kom. Osama was tot 2001 by sekere groepe ‘n algemene seunsnaam. Verskeie lande verbied ouers om hul seuns na Osama bin Laden of Stalin te vernoem. Orkaan Katrina het op haar beurt die meisienaam Katrina se gewildheid verminder. Caitlyn en name wat amper so klink het vanaf 2015 in populariteit gedaal omdat Caitlyn Jenner verklaar het dat sy transgender is.

Gewild[wysig | wysig bron]

Seker geen Suid-Afrikaanse sportman is so dikwels vernoem as Morné du Plessis nie. In baie Afrikaanssprekende gesinne is tussen 1975 en 1990 ‘n seun genaamd Morné (met die betekenis “klein berg”) gebore.

Lees ook[wysig | wysig bron]

Bibliografie[wysig | wysig bron]

  • bloomberg.com
  • huffpost.com
  • waitbutwhy.com