Adolf Engler
| Adolf Engler | |
 | |
| Gebore | 25 Maart 1844 Sagan, Pruise (tans Żagań, Pole) |
|---|---|
| Oorlede | 10 Oktober 1930 (ouderdom 86) Berlyn, Duitsland |
| Nasionaliteit | Duits |
| Alma mater | Universiteit van Breslau |
| Bekend vir | Die Natürlichen Pflanzenfamilien |
| Toekennings | Linnémedalje (1913) |
Heinrich Gustav Adolf Engler (25 Maart 1844 – 10 Oktober 1930) was 'n Duitse botanis. Hy is bekend vir sy werk in planttaksonomie en fitogeografie, waaronder Die natürlichen Pflanzenfamilien (Die Natuurlike Plantfamilies), onder redaksie van Karl A.E. von Prantl.
Selfs vandag nog word sy stelsel van plantklassifikasie, die Engler-stelsel, steeds deur baie herbaria toegepas, en deur skrywers van baie handleidings en floras gevolg. Dit is steeds die enigste stelsel wat alle 'plante' (in die breë sin, alge tot blomplante) in sodanige diepte behandel.[1]
Engler het 'n ontsaglike aantal taksonomiese werke gepubliseer. Hy het verskeie kunstenaars gebruik om sy boeke te illustreer, veral Joseph Pohl (1864–1939), 'n illustreerder wat 'n vakleerlingskap as houtgraveerder ondergaan het. Pohl se vaardigheid het Engler se aandag getrek en 'n samewerking van sowat 40 jaar het begin. Pohl het meer as 33 000 tekeninge in 6 000 plate vir Die naturlichen Pflanzenfamilien geproduseer. Hy het ook Das Pflanzenreich (1900–1953), Die Pflanzenwelt Afrikas (1908–1910), Monographien afrikanischer Pflanzenfamilien (1898–1904) en die joernale Englers botanische Jahrbücher geïllustreer.[2]
Die standaardafkorting Engl. word gebruik om hierdie persoon as die skrywer aan te dui wanneer 'n botaniese naam aangehaal word.
Verwysings
[wysig | wysig bron]- ↑ Woodland, Dennis W. (1997). Contemporary Plant Systematics (2de uitg.). Andrews University Press. ISBN 1-883925-14-2.
- ↑ "10. omtrent die illustreerders en illustrasies". Geargiveer vanaf die oorspronklike op 4 Julie 2008.
| Internasionaal | |
|---|---|
| Nasionaal | |
| Akademie | |
| Kunstenaars | |
| Mense | |
| Ander | |
