Adri van der Walt

Johannes Jacobus Adriaan van der Walt
Gebore	(1938-10-16)16 Oktober 1938 Krugersdorp, Suid-Afrika
Oorlede	28 November 2003 (op 65) Kleinmond
Burgerskap	Suid-Afrikaans
Vakgebied	Plantkunde
Alma mater	Universiteit van Pretoria
Bekend vir	Taksonomie van plante

Johannes Jacobus Adriaan van der Walt (plantkundige) (16 Oktober 1938 - 28 November 2003) was 'n Suid-Afrikaanse plantkundige.

Hy is in Krugersdorp gebore waar hy grootgeword en skoolgegaan het. Sy eerste werk was 'n biologie-onderwyspos by die destydse Transvaalse Onderwysdepartement. Intussen het hy ingeskryf vir 'n M.Sc. aan die Universiteit van Pretoria, die sekondêre groei van sekere liane bestudeer en in 1963 gegradueer. In 1968 was hy 'n lektor in Plantkunde aan die Universiteit van Zoeloeland naby Empangeni en in 1969 sluit hy aan by die Plantkunde Departement van die Universiteit van Stellenbosch as lektor.

Hy het veral navorsing gedoen oor die genus Pelargonium en het saam met Pieter Vorster drie boeke oor die onderwerp gepubliseer:

• Pelargoniums of Southern Africa, vol 1, 1977
• Pelargoniums of Southern Africa, vol 2, 1981
• Pelargoniums of Southern Africa, vol 3, 1988

Die standaard skrywerafkorting J.J.A.van der Walt word gebruik om Johannes Jacobus Adriaan van der Walt as die skrywer aan te dui wanneer 'n botaniese naam genoem word.

Sien ook

• Lys van botaniste volgens outeursafkorting

Bron

• Stellenboschwriters
• Journals