Adriaan Hendrik Boshoff
Adriaan Hendrik Boshoff (1935 – 18 April 2007) was 'n Suid-Afrikaanse skilder.[1] Hy was een van Suid-Afrika se grootste impressionistiese kunstenaars.[2] Hy het geen formele kunsonderrig gehad nie en was ’n produktiewe skilder van landskappe, seelandskappe, stillewes en figure.[1][2]
Adriaan Boshoff was gesteld daarop dat elke kunswerk uniek moes wees. Hy het nie fotoverwysings gebruik nie en uit geheue geskilder. Sy kleurgebruik was kompleks en uniek, wat moeilik nagedoen kon word.
Vroeë lewe
[wysig | wysig bron]Hy is in Pretoria gebore waar hy deur sy ouma grootgemaak is.[2][3] Hy het skool op 14-jarige ouderdom verlaat om ’n vakleerling-elektrisiën te word.[3] Boshoff het sedert sy kinderjare ontspanningsgewys geskilder, maar het eers in 1960 besluit om dit as ’n beroep te beoefen.[3]
Loopbaan
[wysig | wysig bron]Hy was bekend as teruggetrokke en baie perfeksionisties oor sy werk.[4] Sy kunsstyl is beïnvloed deur Europese impressioniste soos Laura Knight, Berthe Morisot en Mary Cassatt.[1] Deur sy loopbaan het hy meer as vyf-en-twintig solo-uitstallings gehou.[3]
Latere lewe
[wysig | wysig bron]Hy het in sy latere jare ’n toegewyde Christen geword, en het in ’n nuwe ateljee gewerk by sy dogter se plattelandse huis naby Hartbeespoortdam.[4] Adriaan was getroud met Anita Barnard wat self 'n kranige kunstenaar was. Hul het drie kinders gehad. Louise, Annelize en Adriaan Jr.
Verwysings
[wysig | wysig bron]- 1 2 3 https://www.artafricamagazine.org/a-south-african-impressionist-memorialised/
- 1 2 3 https://absolutart.co.za/masters/adriaan-boshoff
- 1 2 3 4 https://www.askart.com/artist/Adriaan_Hendrik_Boshoff/11018038/Adriaan_Hendrik_Boshoff.aspx
- 1 2 http://southafricanartists.com/artists/adriaan-boshoff-2374
Bron
[wysig | wysig bron]- Bibliography L. Boshoff, Adriaan Boshoff: The man and his work, Pretoria, 2012, bl. 39
