Afbakeningslyn

'n Politieke afbakeningslyn is 'n geopolitiese grens, wat dikwels ooreengekom word as deel van 'n wapenstilstand.

Afrika

• Eiselenlyn - 'n voorgestelde afbakeningslyn wat deel was van die beoogde maatreëls van die beleid van apartheid.
• Marokkaanse Muur - afbaken die Marokkaans-beheerde deel van Wes-Sahara van die Sahrawi-beheerde deel
• Wardenlyn - was in die middel van die 19de eeu die grens tussen die Oranjerivier-soewereiniteit (ORS) en die Basoeto’s onder Mosjesj.

Amerikas

• Die Mason-Dixon-lyn - is 'n afbakeningslyn tussen vier Amerikaanse state, wat deel vorm van die grense van Pennsilvanië, Maryland, Delaware en Wes-Virginië (toe deel van Virginië). Dit is tussen 1763 en 1767 deur Charles Mason en Jeremiah Dixon opgemeet in die oplossing van 'n grensgeskil tussen Britse kolonies in Koloniale Amerika.

Europa

• Die Curzonlyn - was 'n afbakeningslyn wat in 1920 deur die Britse Minister van Buitelandse Sake, Lord Curzon, voorgestel is as 'n moontlike wapenstilstandslyn tussen Pole in die weste en die Sowjet-republieke in die ooste tydens die Pools-Sowjet-oorlog van 1919–21. Die moderne grense van Pole–Belarus en Pole–Oekraïne volg meestal die Curzon-lyn.