Air India-vlug 171
| Air India-vlug 171 | |
|---|---|
.jpg) Die verongelukte vliegtuig | |
| Datum | 12 Junië 2025 |
| Oorsaak | |
| Ongelukstoneel | Meghani Nagar, Ahmedabad, Indië 23°03′16″N 72°36′44″O / 23.0545°N 72.6121°O |
| Sterftes | 241 |
| Beserings | 1 |
| Vliegtuigtipe | Boeing 787-8 Dreamliner |
| Vliegtuigstertnommer | |
| Oorsprong | Ahmedabad Lughawe |
| Bestemming | Lughawe Londen-Gatwick |
| Passasiers | 230 |
| Bemanning | 12 |
| Oorlewendes | 1 |
Air India-vlug 171 was ’n geskeduleerde internasionale passasiersvlug, uitgevoer met ’n Boeing 787-8 Dreamliner, wat kort ná opstyg neergestort het in die Meghani Nagar-woonbuurt van Ahmedabad op 12 Junie 2025, terwyl dit vanaf Ahmedabad-lughawe in Indië na London Gatwick-lughawe in die Verenigde Koninkryk op pad was. Daar was 242 mense aan boord van die vliegtuig. Die polisie het berig dat minstens 204 liggame by die ongelukstoneel gevind is, insluitend beide passasiers en slagoffers op die grond. Hierdie ongeluk is die eerste rompverlies en die eerste noodlottige ongeluk van ’n 787-8 Dreamliner.[1]
Een Britse burger het op merkwaardige wyse die ongeluk oorleef, maar al 241 ander passasiers is dood.[2]
Voorlopige ondersoek
[wysig | wysig bron]Op 13 Junie is die vlugdata-opnemer op die ongelukstoneel gevind, en twee dae later is die kajuit-stemopnemer ook gevind.[3][4]
Baie bly onduidelik, maar 'n voorlopige verslag oor die ongeluk het aan die lig gebring dat beide enjinbrandstofskakelaars kortliks in die "afsny" (af) posisie was - 'n skakelaar wat die enjins afskakel - en toe teruggekeer het na "loop" (aan) net voordat die vliegtuig neergestort het.[5] Opnames van kajuitgesprekke toon verwarring tussen die twee vlieëniers: een vra sy kollega waarom hy die enjin afgeskakel het, terwyl die ander vlieënier antwoord dat hy dit nie gedoen het nie.[6]
In 2018 het Boeing 'n onderhoudsbulletin uitgereik wat aanbeveel het dat die brandstofskakelaars na ineenskakelende weergawes opgegradeer word om onbedoelde oorskakeling te voorkom. Die FAA en General Electric, die enjinvervaardiger, het ook onderhoudsbulletins uitgereik wat verband hou met verlies aan beheer. Geen van die aanbevelings is deur Air India geïmplementeer nie.[6]
Verwysings
[wysig | wysig bron]- ↑ "What we know so far after Air India flight to London crashes in Ahmedabad". BBC. 12 Junie 2025. Besoek op 12 Junie 2025.
- ↑ "British man is only passenger to survive India plane crash". BBC. 12 Junie 2025. Besoek op 12 Junie 2025.
- ↑ Tweede zwarte doos ramptoestel India gevonden, 90 lichamen geïdentificeerd, NOS, 16 Junie 2025
- ↑ (en) Voices from the cockpit: CVR recovered from AI 171 wreckage, The Times of India, 16 Junie 2025
- ↑ "Fuel switches cut off before Air India crash, report says, as families ask if it was avoidable" (in Engels). BBC. 10 Julie 2025. Besoek op 11 Julie 2025.
- 1 2 "Crash: India B788 at Ahmedabad on Jun 12th 2025, lost height shortly after takeoff, no thrust reported" (in Engels). The Aviation Herald. 12 Julie 2025. Besoek op 12 Julie 2025.
